Lafaek news—Komunidade eis-Aspol Dili ezije direitu ba governu liu hosi SEATOU iha ne’ebé muda ona okupantes sira iha loron 17 fulan Jullu 2025, too ohin seidauk iha informasaun kona-ba direitu.
Teresa Jacinta de Fátimanudar portavoz ba okupate ASPOL fo sai iha konferensia imprensa katak sira nia parte koopera SEATOU hodi hamamuk fatin refere, maibe parte kompotente atu esklarese urjentimente hodi haruka hamamuk area Aspol.
“Ami Kumpri desizaun Governo hodi halo dezenvolvimentu ita rai, kolabora 100% depois de Ami hamamuk fatin ne’e laiha parte kompetente too ohin loron ema ida la mai no reprezenta, ida la mai iha ami nia leet hodi esklarese mai ami komunidade nia direitu nudar sidadaun ne’ebe hela iha fatin ne’e Jacinta hatoo asuntu ne’e iha konferensia imprensa kuarta semana ne’e iha eis ASPOL Kaikoli Dili.
Tuir nia komunidade afetadu iha fatin refere maioria moris negosiante ho estudante hosi ensinu báziku too universidade, tan ne’e nia parte ezije ba governu atu fo klarifikasuan lolos kona-ba sira nia direitu, bainhira atraza mak sira sei reativa hikas atividade negósiu iha fatin refere hodi sustente oan sira ba eskola.
“Ami komunidade eis-Aspol afetado maioria negosiante no barak liu Estudante hahu husi ensinu báziku too universidade no ami presija mahon ida hodi bele ezerse ami nia direitu nudar sidadaun RDTL, ida ne’eami komunidade eis-Aspol fo tempo loron tolu nia laran ba governu atu mai direitamente hodi fo klarifikasuan no esplika mai ami nian direitu no dever ho lolos karik seidauk iha planu ruma ba fatin ne’e mak ami komunidade eis-Aspol sei reativa ami nia atividade negósiu iha fatin ne’e ho razaun katak durante fulan idaa ona ami nia ahi matan taka hodi hasusar tebes ami nia oan sira nia future,” Jacinta akresenta.
Iha fatin hanesan komunidade afetado Antonio Gusmão reforsa katak komunidade eis-aspol preokupa tebes liafuan estado nian fo mai ami ne’e sira dehan ami simu tiha ona osan ba dala tolu, maibe la hatene se mak simu no se mak selu,
“Ami hakarak hatene ministeriu ida ne’ebé selu ona ami komunidade Aspol dala ida ou ba tolu no Aami husu ministériu sira tuun mai ami komunidade Aspol atu esplika didi’ak took ami nia dadus ne’e Bazeia ba antesidente Republika de Timor-Leste katak estado ida ne’ebé demokrátiku soberano ukun-an harii husi povo nia hakarak no iha respeitu ba dingnidade ema moris ida-idak nian ne’ebe hakerek nanis ona iha K-RDTL Artigo 1 Numero 1.
Entretanto depois ekipa SEATOU halo markasaun ba okupante sira nia hela fatin Promete sei hala’o diálogu ho komunidade sira, maibé obrigatoriu komunidade sira hamamuk fatin iha loron 3 nia laran tanba ne’e eis Aspol ezije direitu honudar sidadaun ba uma no hela fatin.
Ekipa Kobertura : Lafaek News
