(Lafaek-News)–Tasi nu’udar fatin bee nian ida iha mundu ne’ebé liga rai ho rai no forma naturál sira seluk, ne’ebé nu’udar Unidade jeografikal no ekolojiku ida no elementu hotu-hotu ne’ebé iha relasaun, no ninia fronteira no sistema sira determina husi regulamentu Estatístika no lei internasionál.
Tasi iha nia riku soin iha bee okos ho kores ho animal oi-oin, animal tasi ida ne’ebé fo moris ba ema iha rai maran mak ikan, maibé presiza kuidade tasi no halo familia ho tasi atu nune’e labele kastigu ruma labele mosu iha atividade peskador nian.
Domingos nia nesesidade moris depende maka’as liu ba tasi, halo esplorasaun ikan liu husi kail, maibé tenke hatene nia regulamentu iha tasi, bainhira anin tasi huu makas, ikan iha bee laran nani dook, maibe kuandu tasi hakmatek ikan sira nani bes-besik ninin no fasil ba peskador atu kail.
Regulamentu tasi nian tuir Domingos katak, bainhira atu ba kail ikan, sai husi uma labele dehan ba kaer ikan, tanba temi uluk ikan dala ruma sei la hetan ikan, maibé sai husi uma ba nonok tasi posibilidade hetan natoon ba modo loron ida ka rua nian bele lori mos ba merkadu hodi hetan osan rahun uituan.
Ha’u nuudar peskador ida ne’e mak ha’u nia servisu, ba kail ikan sorti di’ak ami hetan ikan Talin rua tolu ba leten sorti laiha ami hetan talin ida ou laiha liu kedas kuandu ikan iha entau ema mai sosa de’it iha ne’e, sekuandu barak liu ami lori ba merkadu ba faan ba Talin ida $5, maibé ikan barak,” dehan Domingos ba lafaek news iha laga Baukau foin lalais.
Domingos dehan, bainhira mos anin boot akompania ho udan fo impaktu tebes ba nia atividade peskas, maibé pasiénsia atu respeita regulametu tasi nain, presiza duni sai belun diak ho tasi atu hatene, kuandu anin ho udan labele ba ona tasi, tanba ulun toos bele hetan dezastre iha tasi laran, maske la hetan dezastre dala ruma kaila husi dader too lokraik la hetan ikan.
Kuandu anin boot udan boot fo impaktu tebes, tanba la ba tasi hodi kail ikan no tenke haree mos ba klima no haree mos ba situasaun, kuandu anin laiha udan laiha bele ba fali kail ikan, dala-ruma ami la haree situasaun hirak ne’e ami ba de’it kail ikan to iha klaran udan boot anin boot ami sai fali mai, ikan mos Ami la hetan ida, tanba situasaun hanesan ne’e hanesan mos horikalan udan bot ami la hetan ikan talin ida mos laiha,”dehan nia.
Domingos dehan, atividade kail ikan hanesan tradisaun ona ba nia, tanba moris depende husi tasi maka iha ikan, sorte diak loron ida hetan ikan talin tolu too hat moris loron ohin nian iha ona, no kontinua nafatin kail hodi suporta moris loro-loron, sorte diak loron ida hetan $ 5 too $10, sorte laiha hetan de’it talin ida hodi han ba loron ida too kalan, osan hirak ne’e rai hamutuk sosa oan sira nia material eskola nian no sosa mos farda eskola nian ba oan sira.
Jornalista : Ana Romana
Editor : Agapito de Deus
