Lafaek News–Crino Xila deside husik hela nia oan nain 1, no nia kaben no familia sira iha aldeia Lelufe suku Bauknana posto administrativu Nítibe, mai pineira rai-henek iha mota Komoro hodi haruka osan ba Oe-kusse sustenta nesesidade moris lor-loron.
Buka osan husi suru rai-henek iha mota Komoro bairu moris foun hodi sustenta ba nia família uma laran ne’ebé husik hela iha Oe-kusse.
Crino xila ho idade 38 ho nia kaben Maria Banis ho idade 37 sira nain rua iha oan foin ida, iha ne’ebé moris iha situasaun ekonomia liu-liu aihan uma laran susar atu hetan, tanba laiha rendimentu alternativa hodi sustenta sira nia moris.
Ha’u nia servisu lor-loron mak suru rai-henek no laiha servisu seluk mak atu ha’u halo, rai-henek ne,ebé ha’u suru loron ida hetan de’it dolar 15, dalaruma ema la mai sosa to fali kalan,’’ dehan Crino Xila ba Lafaek News iha mota Komoro foin lalais ne’e.
Atoni oan ne’e haktuir osan ne’ebé nia hetan akumula hamutuk hodi haruka ba nia kaben hodi sosa foos sustenta uma laran.
Osan ne,ebe ha’u hetan husi suru rai-henek ha’u tau hamutuk to fulan mak ha’u haruka ba ha’u nia kaben, oan no familia sira iha oe-kusse hodi bele sustenta ba sira nia moris hanesan nesessidade lor-loron ho sira nain rua nia presiza, maibé dala ruma osan oituan de’it depende ema mai sosa rai henek, semana ida ha’u haruka dolar 50, se rai-henek ema la sosa, haruka de’it dolar 30 ba sira,’’ katak Oe-kusse oan ne’e.
Observasaun Lafaek News Crino Xila nia hela fatin iha Mota laran Komoro la seguru, realidade taka ho kalen at sira ne’ebé hili husi mota laran taka hanesan barraka kiik oan ida hodi fasilita Crino Xila halo servisu no bele deskansa iha oras kalan.
Estajiaria : Libania Matos
Editór : Agapito de Deus
