LafaekNews-Kopa Juventude Luta Hamutuk ba Futuru Saúde Timor Leste (JLHFS-TL) no Juventude Prevene Seksu Livre no Abortus (JUPSELA) ne’ebé realiza iha bairu João Paulo II,Tasi Tolu, aldeia 12 de outubro, Suku komoro, Postu Adminittraivu Dom Aleixo, FC Lagoa II mak sai vensedor ‘hurlele’ FC Besimean Pasado ho golu 1-0.
Hahú jogu primeira parte liu minutu 25 FC, Besimean hetan oportunidade penalidade ne’ebé marka husi jogadór, Juvito Soares númeru (8) maibé la konsege marka golu tanba baliza husi FC. Lagoa II, baku sai bola husi guarda rede.
Maske Fc Besimean kbiit la sufisiente atu aguenta ho Fc Lagoa ll, maibé ekipa ne’e nafatin tenta kontinua esforsu kontra atake nafatin, maibé esforsu hirak ne’e la konsege fó biban atu marka golu ba guarda rede Lagoa ll.
Jogun kontinua namanas liu tan, to’o iha minutu 30 oportunidade vitória ba fali FC Lagoa ll, jogadór Johanes C. Naat (7) ne’ebé konsege marka golu ba FC Bessimean, ho nune’e Jogu manas liu tan, FC Lagoa ll hetan oportunidade barak liu ho halo hodi halo presaun makaas hasoru FC Besimean, halo mós jogadór Besimean iis halai sala iha kampu laran.
Husi golu ida-ne’e mak termina iha minutu primeira parte, laiha tan golu ruma mak akontese no vitória provizória hela ba Fc Lagoa ll mak sai vensedor ho skor 1-0.
Hakuur ba segundu parte ekipa rua nafatin kontra atake ba malu Besimean halo mudansa ba tékniku jogu, maibé mudansa hirak ne’e la mudansa tanba la rezulta golu ruma.
Entretantu jogu refere organiza husi komisaun organizadór bairu João Paullo ll hetan suporta husi Juventude Luta Hamutuk ba Futuru Saúde Timor Leste (JLHFS-TL) no Juventude Prevene Seksu Livre no Abortus (JUPSELA).
Piala ne’e manan na’in dahuluk FC Lagoa II, hetan piala 2 mak hanesan, piala rotativa ida ho permantente 1 osan montante $100 dolar, no manan na’in daruak FC. Besimean Pasado hetan piala ida osan $75, manan na’in datoluk FC.IDPS, hetan piala kiik 1 osan $60, Juara satu hetan piala rua, top skore hetan osan $20 dolar.
Enkuantu durante partisipa jogu kopa (JLHFS-TL) klubu ka bairu sira ne’ebé iha aldeia 12 de outubru tasi Tolu, nian kompostu husi Klubu 11, mak hanesan, FC. JP A, FC.JP B, FC.IDPS, FC.MARKAS, FC.PAMERAN, FC.CROSS,FC DANAU 3 A, FC.DANAU 3 B, FC. LAGOA II, FC. BESIMEAN, FC. DOM BOSCO, FC. BESIMEAN PASSADO
Jornalista : Juvita dos Santos
Asisten Editór: Egidio Nono
