Lafaek News—Movimentu Universitáriu Timor Leste (MUTL), husu Komandante Jerál PNTL, komisáriu Faustino da Costa, ho Ministru Interior Taur Matan Ruak, atu investiga membru PNTL ne’ebé baku negosiante povu kiik iha Tasi-Tolu.
“Husu Ministériu Interior atu halo investigasaun ba kazu ne e, husu mós ba Komandu Jeral PNTL atu hare’e Oknum Membru PNTL ne’ebe halo Agresaun Fíziku hasoru negosiante kiik ida iha Tasi-Tol,” Membru MUTL Herculano Asala Vicente, kesttiona liu husi konferénsia imprensa iha resintu UNTL liceu kuarta, (26/05/201).
MUTL mós husu Provedoria Direitus Humanus no Justisa (PDHJ) no Parlamentu Nasionál liu-liu komisaun B atu investiga didi’ak kazu agresaun fiziku hasoru negosiante ne’e, se la iha solusaun MUTL deklara kontinua kondena hanesan jerasaun foun.
Iha fatin hanesan portavoz MUTL, Denis Saebaku, fundamenta pozisaun MUTL kondena makas asaun bandalismu no brutalizmu husi membru Oknum PNTL ne’ebé halo agresaun fiziku hasoru negosiante ambulante roda tolu iha tasi-tolu.
Iha konferénsia imprensa ne’e, portavoz MUTL ne’e husu Parlamentu Nasional (PN) Komisaun B hodi tun Diretamente ba halo fiskalizasaun ba kazu refere, husu mós ba organizasaun Indepedente atu nafatin akompañia kazu ne’e to’o hetan solusaun.
Tanba ne’e, Movimentu Universitariu Timor-Leste (MUTL) konsidera PPN dukur no la hare’e asaun ne’ebé Oknum PNTL halo hasoru povu kiik sira iha baze.
“Ha’u respeitu nia kargu hanesan PPN, maibé naran ida (Aniceto Guterres) ha’u lae, ha’u nia maun sei dukur karik faktus video ema hotu hetan uza farda ne’e la’os polisia militar, ema sidadaun baibain ka, servisu tenki professional, halo asaun laos NGO la’os estudante militar ne’e atu defende direitus humanus iha estadu Demokratiku ne’ebé ha’u hanoin PPN dukur hela,” deklara
Jornalista : Rita Moniz
Asisten Editór : Pedro de Almeida
