Lafaek News–Relasiona ho programa seguransa ai-han ne’ebé oferese husi Ministériu Solidariedade Sosiál Inkluzaun (MSSI), ba kbiit la’ek sira, maibé parte MSSI halo fali mudansa ba lista kbiit laek nian hodi hamosu problema ba lideransa suku ho autoridade lokal.
Xefe aldeia 05 Suku Fatuhada postu administrativu Dom Aleixo Munisipiu Dili, Egidio Freitas Nunes informa, autoridade lokal liu-liu xefe aldeia sira halo lista kona-ba kbiit la’ek hato’o ba xefe suku ne’r mak loos, maibé to’o iha MSSI halo mudansa fali lista nee problema.
Iha ha’u nia aldeia 05 alin ida difisiensia naran iha lista kbiit la’ek la iha maibé ema ema la’os kbiit la’ek sira mak naran iha fali, se lolos tuir lista neebe ami fo ba ita boot sira ne’e labele halo muda ona, se halo mudansa entaun imi soran ami ho komunidade sira,” dehan Xefe aldeia 05 Egidio ba Lafaek News iha Sede Suku Fatuhada Dili, sesta (25/02/2022).
Xefe Aldeia 05 Egidio relata, lista ida agora mai ne’e ema la’os kbiit-laek mak naran iha inklui xefe suku Fatuhada, maibé ema ne’ebé kbiit la’ek naran laiha, tanba parte relevante halo fali mudansa ba lista ne’ebé sira haruka ba parte relevante.
Kbiit la’ek sira iha ami nia aldeia ne’e, ami mak hatene no konhese tanba ami iha delegada, xefe aldeia no xefe suku servisu hamutuk entaun lista ne’ebé ami haruka ba nee mak loos tanba nee la bele halo mudansa ba lista hira nee?” nia keklara.
Xefe aldeia nee konfuzaun no la hatene tanba saida mak lista kbiit laek nee iha mudansa? no foti husi ne’ebé mak kbiit la’ek naran la iha ema laos kbiit laek naran iha fali nia la hatene tanba naran kahur malu tiha balu sira hatene balun sira la konhese.
Ha’u ladun kontente bainhira sira muda fali lista kbiit laek ne’ebe ami haruka ba, tan nee hau sujere ba parte relevante atu mantein ho lista ne’ebé ami haruka ba tan ami mak hatene liu konaba komunidade ninia moris ita boot sira iha kantor hein aprova ka asina de’it dokumentus,” nia hakotu.
Entretantu observasaun Lafaek News nia iha terenu nota katan komunidade balun la satisfas ho lista ne’ebé husi parte relevante haruka ba lideransa suku no aldeia tanba lista ne’e bazeia ba situasaun real iha Aldeia 05 suku Fatuhada Dili.
Jornalista :Orlando Magno
Editor : Agapito de Deus
