Lafaek News–Grupu Movimentu Foin Sa’e Hadomi Paz (MFSHP) deklara fo votus ba Premiadu Nobel da Paz, José Ramos Horta ba Prezidente Repúblika periodu 2022-2027 no Lider Istóriku, Kay Rala Xanana Gusmão ba Primeiru Ministru IX Governu Konstitusionál ho razaun fundamentu bele dada kadoras greater sunrise mai Timor-Leste.
Portavos Movimentu Foin Sa’e Hadomi Paz (MFSHP), Jeferiano Quefi dehan, so uniku Xanana no Ramos Horta hamutuk maka bele realiza povu Timor-Leste nian mehi hodi dada kadoras greater sanrise mai Timor-Leste hodi bele kria kampu servisu ba Timoroan rihun no hadia dezenvolvimentu Timor-Leste hodi lori nasaun ne’e sai hosi kiak no mutik.
Nia dehan, Timor-Leste tenko orgullu b aluta ne’ebé Xanana halo, tanba dada kadoras greater sunrise mai iha Beacu-Vikeke.
Figura lider rua hanesan senhor Kay Rala Xanana Gusmão ho senhor Dr José Ramos Horta iha kapasidade tomak atu lori rai doben ne’e semo aas iha internasionál no bele kontinua fali misaun ida ne’ebé avo Nana (Xanana) luta ba greater sunrise tan seidauk atinze 100% tan ida ne’e mak povu no ami jerasaun foun nia mehi hakara mina tenki dada mai ita nia rain hodi bele kria kampu servisu barak liután ba ita nia joven no kombate kiak hodi hakat ba dezenvolvimentu,” deklara Jeferiano Quefi liu hosi konfrensia imprensa iha Delta-4, Dili, sesta (25/02).
MFSHP konsidera luta ba soberania tasi Timor-Leste ne’ebé Lider Istóriku Xanana Gusmão ho ekipa Gabinete Fronteira Maritima no Timoroan Fransisco Monteiro no Gualdino da Silva lidera la’ós fasil hasoru nasaun jigante hanesan Australia ne’ebé riku matenek, no Xanana konsege lori Timor hatudu pozisaun aas iha mundun, tanba prosesu konsilasaun foin primeiraves akontese ba TL hodi lori Austrália ba tribunál rezolve ulun malirin iha Tribunál Internasionál Deng-Haq-Olanda.
Iha fatin hanesan, Koordenador Konsulta Ba Masa, Valendinho Auxilio Soares de Jesus informa, da-daun ne’e sira organiza hela membru hamutuk ema na’in- 68 iha Suku Komoro Aldeia São José hodi tama sai familia sira nia uma hodi buka apoia kandidatu Ramos Horta.
Ami jerasaun fó apoiu tomak Dr. Jose Manuel Ramos Horta husi ami no ami nia membru tomak ne’ebé barak mak foin atu vota primeiruvez no ami nia membru hamutuk 68 komesa konsolida malu hodi hamutuk ho objectivu atu kontinua luta ba interese estadu no ami jerasaun foun hakarak lider hanesan Dr. Ramos Horta ema ne’ebé hanoin globál no universál ba ita nia rai doben ne’e bele ko’alia barak liután iha ASEAN no mundu,” nia hatete.
Dadaun ne’e, koordenadór MFSHP ho membru sira hahú konvense sira nia kolega juventude sira buka apoiu Premiadu Nobel da Paz, Ramos Horta no Lider Istóriku, Xanana Gusmão.
Jornalista : Agapito de Deus
Editor : Floriano Soares
