Lafaek News—Diretór Jerál Ministériu Turizmu Komérsiu Indústria (MTKI), Jelino Soares, relata iha tinan ne’e governu sei investe iha setór turizmu doméstika atu involve komunidade direta hanesan na’in ne’ebé hala’o iha munisipiu 4 kompostu husi Aileu, Ainaru Baukau no Vikeke.
“Turismu baze komunitária ne’e hanesan projetu pilotu atu haree husi objetivu programa ida ne’e atu fó benefísiu liu ba komunidade sira no projetu ne’e komunidade mak sai nain ba projetu ne’ebé maka hala’o ona no munisípiu lima mak sai tarjetu ba projetu pilotu ida ne’e iha Baukau,vikeke, Ainaru no Aileu,” Diretór jerál, MTKI, Jelino Soares, ba Lafaek News iha kna’ar fatin Farol, (01/03/21).
Konstrusaun ba obra ne’e remata mak sei entrega ba komunidade mak sei jere rasik atu bele esplora fatin ne’e hodi bele atrai tuirista sira husi rai liur no rai laran.
“Bainhira iha kontrusaun ne’e la’o no too remata, komunidade hodi jere no esplora saida maka atu atrai turista no tantu turista doméstika no estranjeiru ne’ebé atu partisipa turista doméstika ne’ebé maka iha,”
Orsamentu ne’ebé aloka ba planu ne’e seidauk fiksu tanba planu ne’e rasik sei iha faze preparasaun no ekipa hahú tuun ba baze hodi halo estudu análiza ba fatin hirak ne’ebé sai nu’udar tarjetu ba turizmu doméstika ne’e.
“Orsamentu ne’ebé maka aloka ba fatin hirak ne’e seidauk hatene tanba iha diresaun ho ida-idak iha nia orsamentu tuir nia planu no programa ho ida ne’e ekipa tuun kampu hodi haree fatin sira, iha suku saida mak iha ho nune’e tékniku sei tuun hodi halo dezenu foin aloka tuir orsamentu,” Jelino argumenta.
Jornalista : Aniceto Dias
Editor : Nelya Barros
