Lafaek News—Governu liu husi Ministériu Tranaporte Telekomunikasaun (MTK), José Agustinho da Silva, hatete governu sei kria polítika hodi estabelese eskola kona-ba karta kondusaun ba mortoristas iha Timor Leste.
“Ha’u esperiensia ba nasaun balun bainhira motorists ida atu asesu ba karta kondusaun ninia tempu ne’e tinan rua la’os fulan neen para antes nia hetan karta kondusaun ne’e ema ne’e tenke tuir formasaun ne’ebé mak ita tau naran dehan eskola karta kondusaun iha ne’eba para nia mine set ne’e tenke terbentuk katak nia tenke hatene sinais tranzitu sira no nia disiplina ne’e iha,”dehan José Agustinho da Silva iha PN, hafoin audiensia publika ho komisaun C-D PN, 11/11/2020
Hodi dehan, situasaun refere akontese iha 2018 bainhira MTK aprezenta orsamentu iha 2018 nian, katak montante orsamentu iha momentu ne’eba la asegura atendementu publiku tanba MTK iha de’it por volta $70 mill hodi produz xapa matrikula, ho blanku ba karta kondusaun sira, maibé la sufsiente tan ne’e iha momentu ne’e MTK hato’o kedas pedidu orsamentu adisional bele responde ba kliente sira binhira sira ba trata dokumentu ho xapa matrikula.
Nia dehan ohin asidente trafegu ne’ebé sei kontinua as tanba impaktu husi fornesimentu karta kondusaun ba motorista sira ne’ebé iha.
Jornalista : Egidio da C. T. Nono
Editora : Nelya Barros
