Lafaek News—IX governu konstitusional liu husi Sekretaria Estadu Floresta (SEF), loron 27/03/2024, fo kontratu ba membru Guarda Floresta hamutuk 807 husi munisípiu 12 inklui Rejiaun Administrativa Espesial Oe-Cusse Ambeno hodi asegura rekursu naturais liu-liu kontrola ai-laran ema labele tesi ai arbiru.
“Ha’u hakarak hatoo kona-ba kazuais iha Ministériu Agrikultura, Pecuaria, Peska e Floresta hamutuk ema 807, bazeia ba despaixu Ministru Agrikultura Pekuaria Peska no Floresta sira hala’o equipa ne’e forma no halo avaliasaun ba servisu hotu ne’ebé mak iha Ministériu ida ne’e, Agora da-daun sira nia servisu remata tiha ona, agora ne’e ita tama ona iha fase kontratu nian ne’ebé hanesan akumula iha fase primeiro mak ita avansa ba korpo Guarda Floresta mai husi 13 munisipio inklui RAEOA,” SEF Fernando Veira da Costas afirma.
Nia dehan, guarda floredta sira ne’ebé atu assina kontratu durante fulan 6 ho hamutuk ema nain 223, signifika sei servisu durante fulan ne’e nia laran, iha fulan neen nia laran hala’o servisu mak individual ida la hatudu dever no obrigasaun ho di’ak governu sei hakotu ninia kontratu, tanba ema husi liur lubuk ida hakarak tama mai servisu hodi servi estadu no nasaun liu husi area Floresta.
Governante ne’e akresenta membru Guarda floresta mantein nafatin, atu nune’e bele presiza kontrola area hirak ne’ebé nesesáriu liu tuir sira nia papél, kontrolu atividade ilegal tantu flor no fauna.
“Ita iha korpo Guarda Floresta ne’ebé ohin asina kontratu, depois de assina kontratu sira nafatin servisu halo asegurasaun ba Protesaaun konservasaun ba Ita nia rekursus naturais ne’ebé iha tantu flora no fauna, nune’e Ita bele garante sustentabilidade Floresta iha rai ida ne’e atu nunee asegura Ita nia dezenvolvimentu liu-liu obras ne’ebé hanesan governu dezenvolve ona,” nia dehan.
Kontratu ba guarda floresta sei hala’o iha fulan Abril tinan 2024, hodi asegura rekursu naturais tomak iha territoria nasional nudar soberania nasaun nian.
Jornalista : Arnaldo Nunes
Editor : Agapito de Deus
