LafaekNews-Ministériu Soliedaridade sosial No inklusaun(MSSI) hamutuk ho World Vision apoiu nesesidade báziku ba familia kbi’it laek hamutuk uma kain 50 ne’ebé durante ne’e hala’o serbisu hili Lixu iha Tibar.
Tuir Vise-ministra soliedaredade sosial No inklusaun(MSSI), Signi Candrawati Verdial, informa, Apoiu nesesidade refere ba familia ne’ebé mak serbisu iha lixu fatin tibar nomos ba labarik kiik sirane’ebé durante ne’e hili lixu iha tibar durante ne’e.
“Ohin loron MSSI hamutuk ho parseriu World vision, apoiu hahan baziku ba familia ne’ebé mak durante ne’e ita hare serbisu iha hili lixu iha fatin Tibar no apoiu ne’e hanesan fos, mina,Rinso,pepsodente, kadernu no lapizeira hodi hakmaan netik sira iha loron balun nia laran,” ho total Uma kain 50 maka hetan apoiu ne’e,”hateten vise ministra soliedaredade sosial No inklusaun(MSSI) Signi Candrawati Verdial, ba jornalista lafaek news, hafoin entrega sasan báziku ba familia sira iha sentru formasaun Tibar, iha Aldeia Fatukmean, suku Tibar postu adminitrativu Bazartete munisipíu Likisa.(18/11/2021).
Governante ne’e rekomdenda, husi MSSI mós husu familia sira atu hatama dokumentu hodi bele hetan programa Bolsu da mae tamba familia kbi’it la’ek balun nia oan abandona eskola ho problema Ekonomia uma laran nian.
Iha fatin hanesan benfisiaria, Regina Martins, hateten nia parte sente orgullu tebes ho komemora loron labarik maibé sra mós hetan apoiu hahan nesesidade bázika baziku.
“Ha’u sente kontente tebes tamba bele hetan apoiu hahan oitoan ho Labarik sira nia sasan hanesan buku no lapizeira hodi ajuda netik ami,”hateten Regina Martins.
Jornalista: Manuel Andrade
Asisten editór :Egidio Nono
