Lafaek News—Sekretariu Estadu Joventude no Desportu (SEJD) ho Ministériu Administrasaun Estatal (MAE) ohin kinta (18/11) selebra akordu inter-organiku atu loke kompetisaun desportivu iha munisípal to’o nivel suku.
Tuir SEJD Abrao Saldanha, hatete asinatura akordu ho Ministru Administrasaun Estatal (MAE) atu halo kompetisaun joventude desportivu ba iha administrativu munisípal sira atu bele organiza desportivu eskolar, artemasais, komunitariu festival, tradisional, iha munisípal too suku.
“Ohin ita selebrasaun akordu inter organiku liu-liu iha área juventude desportu hamutuk ho MAE delega kompetensia iha serbisu juventude desportu nian balun ba serbisu administrativu munisípal sira, nune’e bele organiza rasik iha munisípiu sira,” dehan SEJD Abrao Saldanha ba jornalista sira iha salaun inkontru MAE, Kinta (18/11/2021).
Nia esplika, akordu ida ne’e hanesan formasaun ida ba joventude sira iha suku atu bele promove sira nia talentu husi desportivu sira iha munisípal hotu, atu estimula predularizmu iha juventude suku, iha artemarsiais nian, desportu eskolar husi ensinu baziku to’o sekunadariu, desportu komunitariu no festival iha munisípiu no mós desportu tradisional atu promove fila fali desportivu hirak ne’e.
Iha fatin hanesan Ministru Administrasaun Estatal (MAE) Miguel Pereira de Carvalho, apresia ho SEJD tanba bele raliza asina akordu hodi promove joven sira atu partisipa kompetisaun jogu munisípal no suku.
“H’u apresia ho kolaborasaun Sekretáriu juventude no Desportu liu husi presta juventude desportu hodi ohin loron governamental rua bele asina akordu inter organiza i delegasaun kompetisaun iha dominiu iha juventude Desportu,” Nia afirma.
Nia relata, tuir dekretu lei artigu 3/2016, ne’ebe mak diskonsentra ona klubu iha muniipiu sira iha juventude desportu, atu bele realiza.
MAE haktuir, kustu ba tinan lima ne’e la’o, tau ba rekursu humanu, nune’e iha fundamental rua ne’e konsege asina akordu organika ida ne’e diskonsentra kompentesia husi guvernu sentral SEJD ba administrativa Munisípal no autoridade Munisípal, atu realiza atividade Desportu Empreza Eskolar, komunitaria no adjuntu sira iha postu Administrativu no suku sira.
Eentertantu, orsamentu alokadu ba iha área joventude desportivu husi programa desportivu eskolar ensinu bazika, sikundaria, artemasais komunitaria festival, desportu tradisional, no desportu suku ho montante mill U$ 231.750.00.
Jornalista : Joni Mau Risa.
Asisten Ediór : Pedro de Almeida
