Lafaek News—Ministra Saúde (MS) Odete Maria Freitas Belo, hato’o agardese ba governu Australia ne’ebé apoiu vasina astrazeneka dozes rihun 300 inklui material ba governu Timor Leste
“Vasina tipu rua mak ita administra iha Timor Leste ho doze ne’ebé mak ita simu ona total 577,785 mil dozes ne’e inklui ona 300.000 mil dozes ne’ebé ohin ita hala’o termu de entrega husi Governu Australia ho Governu Timor-Leste, ne’ebé mai ho kedas ona ninia material ne’ebé atu vasina ba ita nia komunidade,” dehan MS Odete Freitas Belo ba jornalista sira hafoin simu vasinasaun husi Governu Australia, iha armajen SAMES Kampung Alor (11/08/2021).
Odete esplika, husi numeiru 577.785 ne’e administra ona dozes rihun 400 resin ba komunidade sira no governu Australia ho parseiru sira apoiu Timor Leste desde hahú infesaun primeiru Covid-19 hodi oferese material hanesan maskra, hand sanitaizer inlui sasan sira seluk.
“Ekipamentus no material inklui vasina ne’ebé mak ita simu no aimoruk nutrina ba ita nia komunidade, ita rai hamutuk de’it iha armajen SAMES,” tenik nia.
Alende ne’e mós nia relata, iha tinan hirak liu-ba halo ona armajen tolu, iha Baukau, Ainaro no atualmente armejen ida iha Maliana maibé sei iha faze konstrusaun maibé sedauk finaliza to’o agora.
“Ami semte ladun kontente, maibé ho tempu Covid-19 ami koko atu koopera nafatin ho kompaña nune’e finaliza konstrusaun armajen Maliana hodi bele rai material, ekipamentus no aimoruk sira balun iha armajen rejional sira, atu nune’e ita nia pessoal saúde sira la presija atu mai foti aimoruk iha armajen SAMES, Dili maibé foti de’it iha armajen rejional ne’ebé mak ita estabele tiha ona,” dehan Ministra Odete.
Estajiadu : Hermenegildo Bubun
Asisten Editór : Pedro de Almeida
