Lafaeknews-Kordenadór Forsa Tarefa ba prevensaun no mitigasaun surtu Covid-19, Rui Maria de Araújo, informa, ohin 24/03/2021, ekipa saúde deteta tan kazu pozitivu Covid-19 Foun hamutuk na’in 21, iha Dili 20 no iha Baucau 1, atual baixa sae ba 247
” Husi kazu na’in 21 ohin, iha mane na’in 11, feto na’in 10, Ema sintomátiku: 4, Ema asintomátiku: 17, no Iha Munisípiu Baucau ohin iha kazu foun 1 Kazu ida-ne’e, kontaktu besik husi iha Aldeia Builé Suku Babú Hamutuk hotu iha Baukau iha 20 Kazus detetadus, iha cluster 7, enkuantu ema hamutuk husi horseik to’o ohin hamutuk hotu halo 971 testes PCR,”esplika kordenadór forsa tarefas ba prevensaun no mitigasaun surtu Covid-19, Rui Maria de Araújo, ba jornalista sira liu husi meeting zoom, kuarta (24/03/2021).
Kordenadór ne’e dehan, Ohin, iha Munisípiu Dili iha kazu foun 20, ho detalles hanesan tuir mai; Kazu pozitivu 3, hela iha Aldeia Bidau Mota-klaran, Suku Bidau Santana, Postu Administrativu Cristo Rei , Pozitivu hirak ne’e kontaktu-besik ho kazu iha cluster hanesan, ne’ebé anunsía horiseik.
Kazu pozitivu 7, hela iha Aldeia 20 de Setembro, Suku Bebonuk, Postu Administrativu Dom Aleixo, Pozitivu hirak ne’e kontaktu-besik ho kazu iha cluster hanesan, no Kazu pozitivu 4, hela iha Aldeia Sagrada Familia, Suku Bidau Santana, Posto Administrativu Cristo Rei, Pozitivu hirak ne’e kontaktu-besik ho kazu iha cluster Too Baru II. Esplika Rui
Rui Afirma, Kazu pozitivu 2, hela iha Aldeia Bekusi-Sentru, Suku Becora, Posto Administrativu Cristo Rei, Pozitivu sira ne’e, 1 kontaktu besik ho kazu ida iha cluster 20 de Setembro, 1 kontaktu-besik ho kazu iha cluster HNGV, no Kazu pozitivu 1, iha fatin kuarentena ótel Ramelau, Kazu ida-ne’e hela iha Aldeia Ramelau, no Ekipa konjunta sei buka-tuir hela ligasaun ho cluster sira ne’ebé iha ona, Nune’e, Kazu pozitivu 1, hela iha Aldeia 30 de Agosto, Suku Comoro, Postu Administrativu Dom Aleixo Pozitivu ida -ne’e deteta iha atividade vijilánsia sentinela iha Sentru Saúde Comoro ekipa konjunta sei buka tuir hela ninia ligasaun ho cluster sira seluk, Kazu pozitivu 1, hela iha Aldeia Metin I, Suku Comoro, Postu Administrativu Dom Aleixo, Pozitivu ida-ne’e kontaktu-besik husi kazu ida iha cluster 20 de setembro, nune’e Kazu Pozitivu 1, hela iha Aldeia 02, Suku Fatuhada, Postu Administrativu Dom Aleixo. Pozitivu ida–ne’e deteta iha atividade vijilánsia sentinela iha Sentru Saúde Comoro, ekipa konjunta sei buka tuir hela ninia ligasaun ho cluster sira seluk, enkuantu kazu pozitivu iha Munisípiu Dili husi dia 7 de Marsu 2021, to’o ohin, 24 de Marsu de 2021, hamutuk hotu 217.
“Kazu detetadu 217 iha Dili ne’e, fahe ba cluster 42, namkari iha instituisaun 4, eventu 1 no fatin kuarentena 2, suku 14, iha Postu Administrativu D. Aleixo, Vera Cruz, Nain Feto Cristo Rei Husi cluster 42 ne’e, iha cluster 14 maka semana 1, loron loron 6, la iha kazu foun Cluster 20 de Setembro, Suku Bebonuk, husi dia 14 to’o ohin sei ativu nafatin Totál iha ona 57 kazus detetadus Iha loron 10 nia laran aumenta husi kazu detetadu na’in 2 ba 57 Husi 57 kazu ne’e, mane23, feto 34 Idade tinan 14 mai kra’ik 9 Idade tinan 15-59:47 Idade 60 ka ka bo’o liu: 1, esplika Rui.
Enkuantu dadus jeral civid-19 ba loron ohin 24/03/2021 nian; Kazu foun ohin: 21, Kazu rekuperadu: 1, Kazu ativu: 247 Husi horiseik mai ohin, teste PCR ba ema atu hetan autorizasaun esepsionál atu sai husi serka sanitária husi Munisípiu Dili hamutuk 344.
Jornalista : Sandi Belo
Asiten Editór : Egidio Nono
