Lafaek News-Ministeriu Saúde (MS) Ho Ministériu Defeza (MD) ofisialmente asina nota entendimentu servisu hamutuk iha area rekursu umanu ba iha espesialista medisina.
Asina akordu ministériu saúde ho ministériu defeza hanesan akordu dahuluk entre parte rua ba area partisipasaun rekursu umanus iha area espesializasaun medisina,’’Ministru Saúde Odete Maria Freitas Belo ba jornalista sira iha kuartel Jeral Fatuhada, Tersa (19/07/22).
Odete argumenta, ministériu saúde esplika natureza husi akordu ne’e hahú estabelese kooperasaun ho nasaun hirak ne’e mak hanesan kuba, Xina, Fizi, Papua Nugini ho Indonézia iha area kapasitasaun profisionais saúde nian, kooperasaun ho nasaun Kuba hahú kedas depois Timor-Leste, dezde ukun rasik an 2004 to’o agora.
Liu-hosi akordu, besik médiku jerál ona redus ona hamutuk ema 920, alende ne’e 74 médiku espesialista, iha area oi-oin ne’ebe distribui iha Hospital Guidu Valdares Nasionál HGVN no mos ospitál referál sira iha ita nia rai, ne’ebé númeru hirak ne’ebé ita iha seidauk sufisiente ita bele hala’o prestasaun kuidadu saúde sekundáriu no mos terseiria ba ita nia rai, ministériu saúde nafatin iha planu atu kontinua kapasita profisionais saúde liu-liu iha area espesialista hodi hadia di’ak liután prestasaun kuidadu saúde sekundária no terseira hodi hadia saúde populasaun Timor-Leste nian,’’afirma governante ne’e.
Tanba ne’e, ba da-daun ministériu saúde ho ministériu defeza estabelese kooperasaun entre iha parte rua dezenvolvimentu, rekursu umanu iha area saúde entre parte rua, tuir planu iha tinan 2022, hein katak bele haruka uluk mediku na’in rua.
Ba mos Fizi ita espera katak iha 2023 ita bele iha kadeira haat ba jestaun, ospitál nian psikolojia nian no mos tékniku aliadu na’in sanulu resin rua ba Indonezia, asina akordu ho ministériu rua akontese iha tempu ne’ebe loos no futuru atu bele iha tempu badak sira bele asesu ba universidade sira iha rai liur ne’ebe estabelese ona,’’Odete sublina.
Jornalista : Osias Eco
Editor : Agapito de Deus
