Lafaek News–Grupu Kria Dalan Timor Leste kompostu husi Estudantes Universidade Nasional Timor Loro sa’e (UNTL) ho estudantes nain rua hanesan Agnes Blom Nysaeter husi Noruégian University of Sience and Technology ho Biorge Banderik, Copenhager Business School (Noruegian University) segunda (18/07/2022), realiza diskusaun hamutuk ho komunidade aldeia Lemorana suku Dare postu administrativu Vera-Krúz, munisípiu Dili atu buka solusaun hamutuk hodi reduz risku dezastre naturais.
Koordenadora Grupu Kria Dalan Timor Leste, Noviana das Dores Faria Simões hatete, eobjetivu prinsipál husi diskusaun ne’e atu rona komunidade sira nia hanoin oinsá bele solusiona kestaun dezastre naturais bainhira udan ho volume as.
Objetivo husi diskusaun ne’e mak atu buka hatene saida durante komunidade Lemorana hasoru iha tempu inundasaun no buka hatene mós solusaun saida mak presiza halo hodi reduz risku ba inundasaun,’’ katak Noviana ba Lafaek News hafoin remata diskusaun iha Kiar-Laran aldeia Lemorana, segunda semana ne’e.
Tuir Noviana katak rezulta final husi diskusaun ne’e sei akumula ideia hotu ne’ebé komunidade sira aprezenta lori ba hala’o rediskusaun hikas loron ikus mai sei mai hatoo fali ba komunidade atu buka solusaun hamutuk.
Iha diskusaun abitante sira hato’o sira nia preukupasaun kona-ba dezastre naturais ne’ebé akontese iha loron 4 fulan Abril 2021 liu ba, ne’ebé rezulta komunidade sira nia hela fatin inklui sasán uma laran la konsege salva iha dezastre naturais.
Iha fatin hanesan, abitante aldeia Lemorana Oscar Andrade hateten nia parte sente kontente ho prezensa estudantes husi Noruégia ho UNTL ne’ebé hakbesik ona ba komunidade sira hodi rona direta halerik povu kiik iha areas remotas no urbana bainhira iha tempu udan boot hanesan akontese ona loron 04/07/2021 liubá.
Ami sente kontete tebes tanba ho prezensa maluk estudante sira, tanba sira mai rona direta ita nia susar ho terus, ema boot sira la sente saida mak ami sente, maibé governu la’os atende ema ida ka rua de’it, estadu nia oan barak tebes, ha’u agradese tebes ba inisiativa husi estudante husi Noruégia ho UNTL mai ona iha ami nia aldeia ne’e,’’katak Oscar Andrade.
Jornalista : Aniceto Dias
Editór : Agapito de Deus
