Lafaeknews-Ministériu Saúde (MS) liuhusi Servisu Autónomo Medicamentos e Equipamentos de Saúde(SAMES) distribui ona ai-moruk vazinasaun ba Covid-19 ho tipu AstraZeneca ba liña frente iha Munisípiu hitu atu nune’e sira bele hetan Vasinasaun.
Tuir Diretora jerál Ministériu Saúde, Odete Viegas, hatete, vasina AstraZeneca ne’ebé distribui ba kada munisípiu ida hetan baiel 20 ka 30 no sei fó uluk ba sidadaun sira iha munisípiu ne’ebé mak servisu iha liña oin.
“Vasina AstraZeneca ne’ebé mak ohin halo Distribuisaun ne’e kada Munisípiu ida hetan baiel 20 ka 30 tanba fó uluk sidadaun sira ne’ebé mak iha Liña oin, pesoal saúde sira, no PNTL, F-FFDTL, tanba antes ne’e mós dehan sidadun hotu tenke hetan vasina,” informa Diretora Jerál, Odete Viegas, ba Jornalista sira iha SAMES Faról, Díli, (07/04/2021)
“Vasina AstraZeneca ne’ebé mak ohin halo Distribuisaun ne’e kada Munisípiu ida hetan baiel 20 ka 30 tanba fó uluk sidadaun sira ne’ebé mak iha Liña oin, pesoal saúde sira, no PNTL, F-FFDTL, tanba antes ne’e mós dehan sidadun hotu tenke hetan vasina,” informa Diretora Jerál, Odete Viegas, ba Jornalista sira iha SAMES Faról, Díli, (07/04/2021)Distribuisaun ai-moruk ne’e sei kobre ekipa tolu, ohin sei sai ba parte lorosa’e nian kobre, ne’e kompostu husi minisípiu Baukau, Lautém, no loron monu nian mak Likisá, Bobonaru, no ba rai klaran nian, kompostu husi Kovalima, Ainaro, sei kontinua fali aban ba Munisípiu sira selu.
Nia afirma, distribuisaun ai-moruk vasina AstraZeneca ba kada munisípiu ne’e tau iha kareta Coolbox ida-idak distribui ona ne’e, nune’e aban ba oin iha munisípiu sira mós bele simu ona vasina ne’e.
Nune’e, lansamentu distribuisaun Vasina AstraZeneka ne’e partispa husi Ministra Saúde, Diretor Jerál Ministériu Saúde, Vice Ministru Saúde,Diretór Ezekutivu SAMES, Reprezentante UNICEF iha Timor-Leste, OMS, ho parseiru sira.
Iha fatin hanesan Ministra Saúde (MS) Odete Belo, hatete, agrdese ba SAMES, liliu ba iha ekipamentu SAMES nian ne’ebé mak iha sai hanesan fatin ida tau aimoruk sira liliu ba iha prevensaun nian ne’ebé sira rai, atu bele asegura katak ema hotu bele asesu ba iha ekipamentu hirak ne’e.
“Agrdese ba SAMES, liliu ba iha ekipamentu SAMES nian ne’ebé mak iha sai hanesan fatin ida tau ai-moruk sira liliu ba iha prevensaun nian ne’ebé sira rai, atu bele asegura katak ema hotu bele asesu ba iha ekipamentu hirak ne’e,” dehan Minitra Odete.
Nia hatutan, Covid-19 ne’e asaun ne’ebé ikus nian ba prevensaun surtu Covid-19 nian, no alerta nafatin, prevensaun importante ne’ebé mak ita sei la’o no tenke hala’o nafatin ita persiza uza nafatin maskra ne’ebé mak iha asegura nafatin ita nia liman tenke mós, se karik ita bele minimiza agrupamentu ida.
Jornalista : Rita Moniz
Asisten Editór : Egidio Nono
