Lautém (Lafaek News)— Ekipa taskforce kompostu saúde, polisia no media munisípiu Lautém, kuarta (07/04/2021), hala’o sosializasaun ba populasaun postu administrativu Tutuala atu bele la’o tuir protokolu Ministériu Saúde no Organizasaun Mundiál Saúde (OMS) inklui fahe mós informasaun sobre vasina astrazeneca.
“Iha postu administrativu Tutuala sosializasaun ba prevensaun covid-19 no vasina astrazeneca iha Postu administrativu ne’e halo hotu ona, dadaus atual sidadaun sira ne’ebé kategoria ba idozos 322, defisiénsia 27, bolsa da mãe hamutuk 321 husu númeru sira ne’ebé ami mensiona hetan hotu ona informasaun ne’ebé ami fahe ba iha baze, ami mós halo pedidu ida ba ministériu solidariedade sosiál Munisípiu Lautém atu bele atende ba família kbiit la’ek 295 mak sei hetan tulun foos husi governu Hateten administradór postu ne’e,” informa administradór Postu Tutuala, munisípiu Lautém, Carlito Perreira ba lafaek news iha Tutuala, kuarta semana ne’e.
Administradór postu administrativu Tutuala ne’e hateten totál populasaun postu administrativu Tutuala hamutuk 570, ho totál xefe família 1.122 Husi totál populasaun no família uma kain hira ne’e autoridade sira fahe ona informasaun kona-ba prevensaun no vasina astrazeneca ba komunidade hirak ne’e.
Jornalista : CE.Lautem
Editora : Nelya Barros
