Lafaek News-Koordenadór Forsa Tarefas ba Prevensaun no Mitigasaun surtu covid-19, Rui Maria Araújo, relata ohin domingu (30/05/2021), SIJK rejista kazu foun husi munisípiu hitu kompostu husi Dili 98, Baukau 7, Bobonaro 20, Kovalima 6, Lautem 2, Manatutu 2 no Vikeke 10 ho total 145 no kazu ativu 2648.
“Kazu detetatu foun ohin 145 (iha Dili 98, iha Munisipiu seluk 47), husi total kazu detetadu foun ohin: mane 96, feto 49,” dehan koordenadór forsas tarefas ba prevensaun no mitigasau surtu Covid-19, Rui Maria de Araujo, liu husi komunikadu imprensa, Domingo, (30/05/2021).
Porta vos hatutan, kazu detetadu foun hirak ne’e ho idade12:4, ho idade entre 12-59 nain 138 (95,1%), ho idade 60:3, no husi total kazu detetadu foun ohin, proporsaun kazu sintomátiku hamutuk 11,7%.
Nune’e mós nia informa, kazu rekuperadu ba loron ohin hamutuk hotu 186, no total kazu ativu ohin dia 30 de Maiu 2021: 2648, no kazu konfirmadu kumulativu iha 30 de Maiu 2021 (sura husi 21 Marsu 2020): 6897.
Nia hatutan, husi horiseik mai ohin, dia 30 de Maiu, hamutuk hotu Laboratóriu Nasionál Saúde halo 601 testes PCR iha Dili, ho detallus máka, Vijilánsia sentinela:2, Rastreiu ba kontaktu (Contact tracing):70, Rastreiu Aleatóriu (Random Screening):130, Viajen sai husi serka sanitária Munisipiu Dili: 375, Viajen internasionál: 13, Follow up iha quarentena:0, total testes PCR ne’ebé halo horiseik dia 29 de Maiu iha Munisípiu sira seluk, REAOA – HNGV, hamutuk 632, ho detallu; Baucau:91, Ermera:44, Maliana:56, Maubisse:135, RAEOA:0, Suai:135, Vikeke:99 no HNGV: 72.
Enkuantu iha dia 30 de Maiu de 2021, izolamentu Vera Cruz halo tratamentu ba kazu detetadu nain 36, iha área obstetrisia nain 13, no iha medisina interna nain 22, neonatolojia 1, sira nain 13 iha obstetrisia, kategoria leve (mild) hotu no husi sira nain 22 iha medisina interna, nain 5 grave (3 iha ICU: 2 uza ventilador, 1 uza CPAP, 1 uza oksijéniu), nain 17 moderadu no kazu 1 iha neonatolojia, leve (mild).
Jornalista : Sandi Belo
Asisten Editór : Pedro de Almeida
