Lafaek News—Motoristas ba transporte públiku husi mikrolete zero 10 no 11 provizoriamente hapara operasaun pasajeirus iha kapital Dili, relasiona ho folin kombustivel sae, no pasajeirus liu-liu estudante sira selu la tuir padraun ne’ebe governu estabelese ona kada ema ida selu 0.25 sentavus.
“Ohin ami motorista hotu-hotu husi mikrolete zero 10 no 11 hapara ami nia operasaun tanba mina folin sa’e maka’as, uluk kada litru ida ho folin $1,18 centavus de’it maibé agora sa’e ba $1,33 centavus tanbá ne’e maka ho folin mina ne’ebé sa’e maka’as entaun ami la hetan rendimentu di’ak no setóran mos mós la to’o estandar persentajen ne’ebé iha, tanbá ami balun setoran ho persentajen $25,00 kada loron no balun $30,00 maibé mina folin ne’ebé sa’e makas ami labele hetan, tanba dalabarak ema ne’ebé la estudante mós selu tarifa $0,15 centavus hotu de’it agora ba oin ami kada pasaseiru tenke selu hanesan hotu $0,25 centus sei laiha estudante no pasajeiru baibain, hotu tenke selu hanesan, iha loron sabadu ami kontinua halo fali operasaun maibé karik mak mina folin sa’e nafatin no estudante sira mós selu nafatin $0,15 centavus mak ami motorista husi 01 to 13 sei organiza malu hodi hapara operasaun totál,” dehan motorista mikrolete 010, Apaco ba jornalista sira iha rotunda Komot kuarte ne’e.
Motorista ne’e mós ezije governu da-sia ida ne’e atu bele buka solusaun ba folin konbustivel nian atu bele solusiona problema motorista mikrolete 01 to 013 ne’e ninia preokupasaun.
“Ami ejijensia maka’as ba governu ida ne’e atu bele buka hela solusaun ba folin mina nian tanba iha kampaña eleitorál nai ulun sira promete ona povu atu dada kadoras mai Timor leste maibé ba ukun tiha mina folin sa’e fali, tanba ne’e ami motorista sira ezije maka’as ba governu da sia ida-ne’e atu hatún mina nia folin tanba imi ami povu iha mak governu iha, ami povu laiha governu mós laiha, governu ukun ema la’ós ukun animál tanba ne’e tenke buka meius hodi rezolve mina nia folin ne’e,” katak nia.
Tuir obserbasaun jornalista Lafaek News iha treinu nota katak estudante barak mak hein iha dalan ninin no estudante balun la’o ain de’it no ema barak mak hein iha dalan ninin kauza husi mikrolete sira la halo operasaun hanesan baibain.
Jornalista : Mateus F.de Deus
Editor : Paulo Collo
