Lafaek News—Estrutura Partidu KHUNTO munisípiu Ermera, loron 26/07/2025, simu afiliasaun militantes hosi partidu CNRT, PD no PLP ho atu hametin unidade nasional liu hosi tane o lisan, tane o emar no tane rain.
Afiliasaun sai hanesan kultura ida ba militantes sira halai ba mai hosi partidu ba fali partidu seluk ho objeitvu buka oportunidade servisu, wainhira servisu la hetan militante sira kontinua afilia ba partidu seluk.
Iha serimonia simu posse iha loron 26/07/2025 iha muinsípiu Ermera, Konselleru Másimu partidu KHUNTO hatoo agradesimentu boot ba militantes hosi partidu (CNRT-PD ho PLP), ne’ebé deside afilia ba partidu KHUNTO atu hamutuk hodi kontribui votus ba partidu iha tinan 2028 atu bele kontinua ukun hamutuk iha governu plataforma.
“Primeiru hau agradese ba estrutura foun no ba kolega nain haat ne’ebe ohin mai iha ne’e, ha’u senti katak imi nain haat mai hamrik iha ne’e la mai mesak, tanba iha fen iha oan iha familia parabens , iha Timor Leste, úniku Partidu Khunto mak ko’alia kona-ba unidade nasional, unidade nasional mai husi xave importante rua mak Rona malu no fiar malu, ohin imi ko’alia iha uma lisan rua kemak ho Mambae, ha’u hakarak fo espesial ba estrutura de’it iha momentu ida ne’e, iha kamára munisipiu ne’e kemak tenke hetan ida mambae tenke hetan ida, Labele mambae de’it, labele kemak de’it, ha’u hatete khunto ne’e Ermera ninian tanba halo iha prizaun Gleno Ermera, “Jose dos Santos Naimori Bucar ba militantes no simpatizantes sira iha Ermera.
Sekretariu jeral partidu Kmanek haburas Unidade Nasinal Timoroan , Elidio Araujo mos husu estrutura munisipiu Ermera atu servisu makas hodi garante vitoria ba Partidu Khunto iha Ermera.
“Husu ba Estrutura municipiu liuliu estrutura sira ne’ebe ohin ita instala bele servisu makas, ko’alia uitoan servisu mak barak atu hatudu iha eleisaun 2027 ho 2028 ita sei hetan vitoria ida ne’e mak ita nia hakarak atu to iha ne’ebe ita planu halo formasaun polítika ba ita nia lider munisipal sira , tanba iha 2027 ita mos sei hakat ba iha eleisaun kamara municipal,” Elidio sublina.
Iha sorin seluk Kordenador Interinu KHUNTO Ermera, Sebastião de Deus sublina nia parte sei servisu hamutuk ho estrutura munisipiu hodi lori vitória KHUNTO Iha Ermera
“Ohin hamrik hanesan Kordenador Interino la hamrik saugati de’it hamrik iha Ruin no ran Atus ida hatnulu resin rua ne’ebe ne’ebe hari’i Khunto iha Ermera to ohin la monu, ba kuadrus no kompatriota sira hotu hatudu ita nia politika ne’ebe forte ba ita nia Adeversariu Politika sira seluk, oras to ona mai hamutuk ho partidu Khunto haketeke ba futuru ida diak liu ”
Jornalista: Mateus F.de Deus
