Lafaek News—Ministériu Ensinu Superior Siènsia no Kultura (MESSK), Longuinhos dos Santos, hala’o abertura teste ezame ba estudante husi rejime espesiál ne’ebè sei asesu eskola Universidade Nasionál Timor Loro sa’e.
Longuinhos dos Santos, hatete abertura ba rejime espesiál ne’e sempre organiza no forma prosesu asesu re-ingresu ba rejime rua hanesan rejime espesiál no rejime jerál, husi rejime rua ne’e fahe persentajen 70 ba rejime Jerál no persentajen 30 ba rejime espesiál.
“Ita abertura ne’e ba rejime espesiál nian, ne’ebè mak fò oportunidade ho situasaun espesiál liu ba ita nia veteranus nia oan, official PNTL, FDTL, defisiente, Kbi’it La’ek no mòs ba alin estudante sira ne’ebè mak la konsege asesu iha Ensinu Superior tinan kotuk temi dehan tama iha oportunidade ba iha Rejime espesial ne’e rasik, Informa Longuinhos dos Santos hafoin remata abertura Teste ba Jornalista iha resintu Fakuldade Ekonomia UNTL foin lalais.
Nia parte hatete total ne’ebè tama iha Ensinu Superior publiku liu-liu UNTL ne’e mak rihun haat atus tolu rua nulu (4.320), ne’ebe da-daun la’o hela prosesu ezame, tuir mai prenxe ona selesaun Vagas ne’ebè hamutuk 4320 ne’ebe mak fahe ona ba Rejime espesial no Rejime jeral.
kandidatura ne’ebè mak tuir ezame a Rejime espesial ne’e hamutuk Rihun neen atus hitu sanulu (6710), ne’ebe mak sira kompete no tama iha rejime espesial hodi priense vagas rejime espesial nian rihun ida atus rua, sianulu resin neen (1296).
Jornalista : João da Costa Soares
Editora : Nelya Barros
