Lafaek News–Ministériu Edukasaun Juventude Desportu (MEJD) sei reativa eskola hamutuk 99 hodi hala’o fali prosesu aprendisajen iha tempu badak, maibé nafatin kumpri protokolu ministério Saúde no organizasaun Saúde Mundial.
Vice Ministru Edukasaun joventude desportu (MEJD) António Guterres hateten, eskola husi 197 ne’e 99 mak prepara ona atu reativa aprendisajen iha loron 19 fulan Jullu.
“Ita nia dadus hosi Ministériu total eskola hamutuk 197, maibé 99 mak preparadu ona hodi reativa hikas aula,” dehan Vise Ministru MEJD Antonio Guterres ba jornalista sira iha Palasiu Governu Dili, Kuarta (14/07/21) .
Governante ne’e akresenta, profesóres sira iha Dili hamutuk 3,153 , profesór ne’ebé mak simu ona vasina hamutuk 1,498 ho ida ne’e atu reativa aprendisajen. Neduni husu ba eskola sira ne’ebé preparadu atu reativa aula tenki kumpri nafatin protokolu saúde, inklui tenki vasina, tau maskra no uza hand sanitizer.
Jornalista : Juvita dos Santos
Asisten Editór : Pedro de Almeida
