EDUKASAUN · 22 Sep 2023 15:42 ·

ME Sei Esforsu Valoriza Professores Kontratadus Bazea Ba Dekretu  dekretu-lei n⁰. 31/2023


ME Sei Esforsu Valoriza Professores Kontratadus Bazea Ba Dekretu  dekretu-lei n⁰. 31/2023 Perbesar

Lafaek News—(19/09/2023) Ministériu Edukasaun Liuhusi Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lopes Lemos, hatete ligadu ho professores kontratadus sira Ministériu Edukasaun sei la hapara, maibé sei valoriza sira tuir dekretu lei númeru 31/2023.

Ministériu Edukasaun Liuhusi Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lopes Lemos, akompaña husi Xefe Gabinete Ministra Edukasaun,  Paula F. Corte Real Araújo, Xefe Gabinete Sekretáriu Estadu ESGESTV,  Napoleão de A. S Lima, Diretora Jerál Administrasaun no Finansas, Cecilia de Assis no asesóres sira hala’o komunikadu imprensa hodi hatan ba preokupasaun sira ne’ebé profesóres kontratadu sira preokupa, komunikadu ne’e realiza iha salaun Konferénsia Ministériu Edukasaun, Vila-Verde.

Iha Komunikadu Imprensa ne’e Sekretáriu Estadu Ensinu Sekundáriu Jerál no Ensinu Tékniku Vokasionál, Domingos Lopes Lemos hateten, Ministériu Edukasaun la hapara profesóres sira nia kontratadu, maibé sei halo esforsu hodi valoriza sira bazeia ba Dekretu-Lei, n⁰. 31/2023 de 31 de maio iha artigu 11 kona-ba ingresu espesiál, espesiálmente ingresu iha kategoria profesionál profesóres sira ho grau C mak individu sira ne’ebé priénse kondisaun kumulativu sira.

“Pontu dahuluk; servisu ona nu’udar kontratadu husi departamentu governamentál responsavél iha área ensinu ho eskluzivu nível superiór hodi hala’o funsaun hanorin iha estabelesimentu edukasaun ka ensinu iha tinan 2023. Pontu daruak; iha ona  grau akadémiku bacharelatu edukasun iha tinan 2022 husi Universidade Nasional Timor-Lorosa’e iha ámbitu parseria ho INFORDEPE ka iha abilitasaun akadémika mínima ba ingresu iha dosénsia ne’ebé konprova ho diploma universitáriu rekoñesidu. Pontu datoluk; iha avaliasaun ikus servisu nian, mínimu ho klasifikasaun BOM ne’ebé rejista iha SIGAP iha tinan 2022”, dehan Sekretáriu Estadu ESGESTV.

Governante ne’e hatutan Ministériu Edukasaun oras ne’e dadaun iha prosesu preparasaun ba kuadru pesoál regime kareira dosente, tanba ne’e ba profesór hotu bele hola parte iha bolsa kandidadu nian hodi bele priénse kuadru pesoál ba eskola hotu iha munisípiu tomak.

“Dalan la iha atu blokeia ezame nasionál, tanba blokeia ezame nasionál ne’e krime, estrutura eskola to’o tiha baze, husi Diretór Eskola no estrutura tomak iha ne’eba, durante tinan barak ona sira la’o normal, la’os tanba de’it profesóres na’in hira nia saláriu la simu mak atu blokeia fali ezame nasionál ne’e dalan la iha”, dehan Sekretáriu Estadu ESGESTV hafoin rona deklaraun husi profesóres kontratadu sira.

Sekretáriu Estadu ESGESTV hatutan, Ministeriu Edukasaun fiar katak ezame nasionál iha loron 16 outubru sei la’o normal no sei la blokeia ezame nasionál, karik blokeia Diretór Eskola toma responsabilidade kedas ba asuntu ne’e, tanba ne’e krimi.

Enkuantu dadus husi profesóres kontratadu sira hamutuk 1499 balun la priense kritériu, tanba balun kontratu iha ministériu seluk, balun kontratu hela iha programa ekivalénsia, balun kartaun eleitorál dupla, konta bankária la iha no balun mós sidadaun estranjeiru, nune’e Ministériu Edukasaun halo hela ezersisiu bo’ot hodi rezolve ne’e mak profesóres kontratadu sira hamutuk 1388.

Media ME

409 Views
Artikel ini telah dibaca 75 kali

Baca Lainnya

Estudante Bolseirus Lamenta Ho Polítika IX Governu Muda Bolsa Hakbit Ba Parsial

6 July 2024 - 09:08

ME Resposta Karta Husi Konsellu Nasional Professores  Kontratadu   

1 July 2024 - 10:49

Estudante Rihun 3 Lansa Protesta Hasoru Governu Muda Bolsa Hakbiit Ba Parsial     

26 June 2024 - 14:24

CI Ho Abc Internationl Development Fasilita Formasaun STORY-Telling Ba Jornalista

26 June 2024 - 09:59

HA’U NIA HISTÓRIA MORIS MORUK NIAN HUSI TEMPU BA TEMPU

3 June 2024 - 16:09

ME Prepara  Simu Liurai Husi Brunei Darusalam  Vizita TL 20 Maiu

17 May 2024 - 00:11

Trending di EDUKASAUN