Lafaek News—Nonu Gvernu Konstitusional liu husi MInistériu Comérsiu Indústria (MCI) Koordena ho Ministériu Koordenador Asuntu Ekonomikus (MCAE) no Ministériu Turizmu no Ambiente (MTA) sei realiza Dili International Trade Expo (DITE-2025) husi loron 28 fulan Agusto too 01 Setembru 2025 iha Centru Convensaun Dili.
Dili International Trade Expo 2025 (DITE-2025) nu’udar expoziasaun Komersial Internasional dahuluk ne’ebé organiza iha Timor-Leste, husi Ministériu Komérsiu no Indústria ho objetivu atu halibur nasaun sira, empreza ki’ik, média no empreza sira, Organizasaun Naun-Governamental sira (ONG) no Organizasaun Governamentál Internasionál sira (OGI) atu hatudu sira-nia realizasaun no hatudu buat foun sira liu-husi inovasaun, kultura no teknolojia, no mós enkoraja kolaborasaun entre setor oioin.
“Ohin ita hasoru malu ho media nasional sira ho objetivu atu ita fo sai kona-ba Dili internasional Trade Expo 2025, ne’ebé organiza hosi Ministériu Comérsiu Indústria, ida ne’e programa ne’ebé ami hatur ona iha planu asaun annual 2025 iha MCI, ida ne’e sai hanesan espozisaun komérsial dahuluk, ita hakarak halo atu hatudu ita nia kbiit organiza eventu nivel internasional ba espozisaun komersial dahuluk ne’e, tanba ita haree mos ba potensialidade ne’ebé Timor Leste iha, poténsia ekonómiku, negosiu, produtu no potesialidade merkadu, hatudu mos kompeténsia ne’ebe MCI simu atu atu halo promosaun no divulgasaun ba ita nia produtu akresentadus ne’ebé iha valor ekonómiku aas hodi responde nesesidade merkadu rai-laran no mos merkadu rai liur,” MCI Nino Pereira liu hosi komunikadu imprensa ba jornalista sira iha edefisiu MCI Bebora Dili, 28/04/2025.
Ninu Pereira akresenta nia parte, Konsidera katak Dili Internasional Trade Expo 2025 sei fó oportunidade ba estabelesimentu kontaktu no esperiénsia komersiál, industriál no kulturál sira, enkoraja ligasaun globál sira, liuhosi programa oioin hodi promove empreza no produtu sira, Talk Show diretu, Business Match Making, asinatura Memorandu Entendimentu entre partisipante sira, Showcase Art no Kultura, múzika nasionál, aprezentasaun diretu hosi artista sira Inovasaun hosi Universidade no Empreza sira, aprezentasaun kona-ba oportunidade negósiu no investimentu hosi governu, órgaun distritál sira no Kámara Komérsiu no Indústria no-mos sei iha aprezentasaun kona-ba asesu ba kréditu bankáriu.
Espozisaun ida-ne’e sei iha pavilhaun sira ho tema, oportunidade ba rede, no esperiensia kulturál, enkoraja ligasaun globál. Desde sai membru WTO no iha prosesu atu sai membru ASEAN, eventu ida-ne’e sei fö oportunidade ba komersiante nasional no internasionál, fabrikante, Industrialista, atu kolabora no investe iha Timor-Leste ho konseitu “make it no brand it” sei serve merkadu ASEAN no mundial ho produtu Made in Timor-Leste Dili International Trade Expo sei hatudu Timor-Leste ba Mundu!
Orsamentu ba espozisaun internasiona komersial ne’e sei realiza iha fulan Agusto nia laran ho orsamentu total 300 mil resin mak MCI Prevé ba expozisaun internsional komersial ne’e.
Lafaek News
