Lafaek News–Maromak forma ema ho karakter la hanesan, ema balun hanoin laiha, maibé matan bele haree, iha balun fali matan la haree más hanoin iha atu bele halo atividades ruma iha nia moris loron-loron fan sigaru iha sidade Dili, maske ai-tongka lamas dalan hodi hakat ba oin.
Esperiénsia moris ne’e relevante ho defisiénsia Leonito da Carmone da Costa, idade 34 defisiénsia matan, uza hanoin hodi haree dalan no faan sigaru hodi sustenta nesesidade moris loro-loron.
Sasán ne’e hau nian rasik mak hau fa’an, osan ne’ebé ha’u sosa sasan sira ne’e, ha’u la’o iha dalan ema sosiál sira mai fo osan, entaun ha’u labele gasta hotu, tenke halo buat ruma atu aban-bainrua ema fo buat ruma karik tenke halo buat ruma labele fo ho liman tanan, ne’ebé osan sira ne’e maka hodi rai, putar fila-fali lembra ema sira ne’ebé fo mai ha’u iha dalan,’’ nia haktuir
Haktuir katak difisiente matan ne’e katak, durante situasaun EE media barak foti notisia kona-ba nia, maibé laiha rezultadu too ohin loron.
Prezidente ho membru governu balun mos haree ona iha RTTL sai iha YouTube, tempu ne’eba gabinete presidente balun rasik ba buka ha’u, husu tiha ha’u nia naran depois sira haruka tiha ha’u hakerek naran iha profil hodi rai tiha atu halo selebrasaun feto nian iha dia 18, de marco ne’e atu lori hau ba partisipa iha ne’eba ka hetan premiu husi ministru republika entaun situasaun estadu emerjénsia (EE) mosu buat sira nee la realiza, agora nein ida kontaktu ha’u,’’dehan Leonito Carmone da Costa ba Lafaek News Kuluhun foin lalais ne’e.
Defisiente matan ne’e mos fa’an sasan hanesan sigaru, pulsa no forai, maske nia difisiente matan, maibé nia haleu Dili laran la sente rai-manas no kolen, bainhira sente sei bele halo atividade ruma hodi buka moris, labele aprende tane liman de’it ba estadu.
Ha’u husu kolega sira atu aprende buka osan rasik, se ita tuur de’it buat ida sei la monu husi lalehan, ema bele fo osan ita maibé labele loro-loron, ita presiza esforsu buka rasik,’’ defisiénsia ne’e fo hanoin.
Jornalista Estajiada : Cresencia Ferreira
Editór : Agapito de Deus
