Lafaek News–Maria de Jesus sofre mear kuaze fulan tolu ona seidauk halo tratamentu tanba laiha osan hodi apoiu nia ba sentru saúde hodi hala’o tratamentu intensivu ba nia moras.
Maria de Jesus moris nu’udar ema kbiit laek, hela iha uma ne’ebé kondisaun la dignu, kalen hirak ba taka iha kakuluk leten dodok too kuak hateke borus ba loron matan nia kor no kalohan nia nakukun iha leten as ba, didin hirak ne’ebé taka netik uma simples ne’e nakolke an namtate da-daun tanba ai-rifas sira lahuk no tohar da-daun.
Maria de Jesus ho idade 40, hela iha aldeia Babaliurai-Leste suku Bemori posto Nain-Feto munisipiu Dili, iha oan sanulu resin Ida 11, nain hitu Mak eskola no nain ha’at ne’e seidauk eskola no moris ho situasaun ne’ebe mak halerik liu ba hela fatin ne’ebe la seguru.
Uma Mak hanesan ne’e bainhira udan be’e tama de’it ba uma laran kalen mos kuak hotu, piku ne’ebe didin ba uma ne’e mos dodok hotu ona, A-irin mos lahuk hotu ona liu liu iha kalan susar atu toba tanba, tauk no anin sobu,” dehan Maria ba lafaek news iha suku Bemori, foin lalais ne’e.
Maria haktuir Uma ne’ebe nia ho oan sanulu resin Ida ho Nia kaben horik ba ne’e la seguru, tanba Airin lahuk no tongka ho au-betun, no kalen uza hodi taka ba uma ne’e kuak hotu, maske iha hanoin hakarak atu hadia fila-fali, maibe kbiit la to’o atu hadia uma, Maria lor-loron iha Uma de’it, tanba moras mear fulan tolu ona.
Dalaruma anin bo’ot bele sobu tamba ai-riin sira ne’e lahuk hotu Hakarak atu hadia Fila fali Uma ne’e maibe Forsa la to’o no osan mos laiha Hau nia katuas oan lori kareta saneamentu Mai fo osan $100 dala ruma fo $ 200. la augenta atu hadia hau Nia Uma ne’e osan ida ne’e mak uza ba sosa hahan Uma laran haree labarik sira Nia eskola Hau mos moras mear Fulan tolu ona. Ha’u ba ospital doutor sira fo ai-moruk Ha’u hemu de’it, maibe too agora mear seidauk diak ,”dehan nian
Tu’ur observasaun jornalista lafaek news nota iha terrenu katak uma ne’ebe mak Maria de Jesus ho nia oan sira hela ba, iha uma laran Didin ho treeplex no dodok hotu iha liur didin ho piku no kalen didik hotu airiin mos lahuk Tonka ho au kalen kuak wainhira udan bee tama no tempu anin boot bele sobu.
Jornalista : Domingas Viana
Editor : Agapito de Deus
