Lafaek news–Vise Reitor Asunto Estudantil no Antigos alunu Universiade da paz (UNPAZ), Marilia Juvi Goncalves husu governu tau atensaun ba Xinezas sira komesa halo duplikasaun ona Tais Timor.
Tuir akademista Timor Leste, Marilia Juvi Goncalves Haktuir tuir lolos Timor Leste, tenke iha lei ida atu regulariza ema estranjeiru sira labele halo tuir tais Timor nian no ida ne’e bele hamate fila-fali tais orijinal.
Ha’u hanoin lolos ne’e tenke iha lei ida atu bele kesi metin nune’e Ema estranjeiru sira labele kopia tuir tais Timor nian, tanba iha loja xineza sira nia sira komesa produz ona tais ne’e bele hamate ita nia tais Timor Nian, Ita ko’alia kona-ba lei, maibé lei ne’ebe mak iha atu destroi fila-fali lei tanba Ita nia lei ne’e la Vale no ita nia hakarak ema seluk mak atu domina fali Ita Nia Rai,’ dehan akademista ne’e ba lafaek news iha nia kna’ar fatin UNPAZ foin lalais ne’e.
Iha Fatin seluk emprezária feto Timor-oan, Jacinta Fernandes afirma tais Timor nian ne’e la’os tempu Ukun An mak foin iha, maibé husi beiala sira nian tempu too ohin loron jerasaun ba jerasaun iha nanis ona.
Tais ne’e la’os foin Timor Ukun an mak iha, maibé tais ne’e dezde husi Ita nia avo sira kaer kedas fini too ohin loron jerasaun ba jerasaun too agora ita nia tais ne’e ba oin,”tenik feto emprejaria ne’e.
Nia sublina tan, Xinezas sira mai foti imajen tais nian, maibé negosiante Tais la hatene, sira mai foti de’it imajen, maibé ikus mai mosu fali produz duplikasaun tuir fali tais Timor nia, Timor-oan hotu labele konkorda hahalok ne’e.
Xineza sira mai foti imajen tais nian, maibe ami la hatene atu halo saida, maibe ikus mai ami hare’e sira halo tuir fali ba Ita nia tais orijinal ne’e,” hateten nia
Nia parte senti triste tebes, tanba tais folin tun la hanesan ona Xineza sira seidauk halo tuir, tanba tais ne’ebe mak sira mai foti imajen ne’e sira suku fali ba pasta sira no sira suku ba modelu oin-oin
Ida ne’e ami triste tanba tais folin tun tanba Xineza sira mai foti imajen sira suku fali ba pasta sira suku halo ba modelu oi-oin husu ba governu bele hapara tiha, sira bisnis sasan seluk bele, maibé labele halo tuir fali tais Timor nia, ne’e nei-neik- nei-neik tais Timor bele lakon,” dehan Nia
Jornalista :Domingas Viana
Editor : Agapito de Deus
