Lafaek News–Koordenadór Forsas Tarefas ba Prevensaun no Mitigasaun surtu covid-19, Rui Maria de Araújo, informa, mane 1 ho idade 71 hakotu iis iha Izolamentu Vera-Kruz, ho diagnóstiku Sindroma Insufisiénsia Respiratória Aguda.
Rui Maria de Araújo hatete, óbitu ne’ebé relata iha loron 10 Agostu 2021: 1 (ida), ho detallu hanesan tuir mai; Mane, idade 71, Timor-oan, enkamiña husi Ospital Referénsia Eduardo Ximenes (HoREX) Baucau, iha loron 7 Agostu 2021, ho diagnóstiku SIRA (Sindroma Insufisiénsia Respiratória Aguda), xoke séptiku no Pneumonia tamba Covid-19 (rezultadu PCR, 5/8/2021: CT Egene 36.8, N2 gene 40.3).
“Iha loron ne’e kedas, ekipa médika espesializada halo tratamentu tuir protokolu ne’ebé iha, no iha loron 9 Agostu, matebian i’ís-kotu tamba multiple organ failure, ninia rezultadu PCR post mortem (hafoin i’is-kotu) negativu,” esplika koordenadór forsas tarefas ba prevensaun no mitigasaun surtu covid-19, Rui Maria de Araújo, liu husi komunikadu imprensa, Tersa (10/08/2021).
Familia sira deside lori mate-isin ba haloot iha munisípiu Baukau.
Enkuantu, Kazu detetatu foun ne’ebé relata iha loron 10 Agostu 2021: 138 (iha Dili 78 no munisipiu seluk hamutuk 60), husi total kazu detetadu foun ne’e: mane 74, feto 64, total kazu detetadu foun hirak ne’e ho idade 20:26, ho idade entre 12-59 nain 109 (79%), ho idade 60:3, no husi total kazu detetadu foun ne’e 65 kazus ka 47,1% maka sintomátiku (hatudu sintomas).
“Kazu rekuperadu ne’ebé ralata ohin hamutuk: 15, kazu ativu ohin hamutuk: 1.544, no total kazu konfirmadu kumulativu iha 10 Agostu 2021 (sura husi 21 Marsu 2020): 11.717,” dehan nia
Nune’e, iha loron 10 Agostu 2021, izolamentu Vera Kruz halo tratamentu ba kazu detetadu nain 23, iha área obstetrisia nain 9, iha medisina interna nain 13, iha sirurjia nain 1, sira nain 9 iha obstetrisia, kategoria leve (mild) hotu, husi sira nain 13 iha medisina interna, 7 kategoria grave (1 uza ventilador, 6 ho oksijéniu), 3 kategoria moderadu, 3 kategoria leve (mild), no 1 iha sirurjia, kategoria leve (mild) hotu.
Jornalista : Sandi Belo
Editór : Agapito de Deus
