Lafaek News—Moris nu’udar umanu sempre hasoru dezafiu oi-oin, balun hetan sorte di’ak sei moris haksolok ho ekonomia natoon sustenta nesesidade bázika no apoiu ezijénsia husi eskola nian, maibé dada iis la too atu responde situasaun rua ne’e hotu dalan laiha atu hakat pasiénsia sees husi eskola loke negósiu suporta moris.
Marcelo Soares, ho idade 22, husi aldeia Airae suku Hatara Postu Administrativu Atsabe, munisípiu Ermera, hanesan eis estudante Seminarista ida ne’ebé remata nia estudu iha, eskola Coléjiu Fatumaka Baukau, maibé oras ne’e dadaun deside nia-aan hodi fa’an manu-timor hodi rai osan ba kontinua nia estudu Inkluí mós ajuda nesesidade uma laran.
“Ha’u hanesan estudante haree ba ekonomia nesesidade eskola nian, inan aman laiha suporta, ha’u ho inisiativa rasik deside fa’an manu-timor, hodi hetan rendimentu uitoan, hodi Kontinua Selu ha’u nia estudu, nomos ba nesesidade uma Laran “ Marcelo Soares ba lafaek news iha tersa, (10/08/2021)
Negosíu ne’ebé Marcelo Soares, hala’o ne’e durante tinan rua 2 hahú iha tinan 2019 to’o agora 2021, tanba hetan tulun husi nia kolega, hodi loke rasik nia negosíu manu-timor iha Areadores Merkadu Taibesi.
Manu-timor ne’ebé marcelo fan kada loron hetan rendimentu $.25 dolar no osan ne’ebé nia hetan rai hamutuk hodi kontinua nia estudu no sustenta nia familía uma laran.
“Ha’u fan kada loron ida, hetan montante $,25.00, nomos osan ne’ebe ha’u hetan hodi prepara fali ba ha’u nia estudu ho nesesidade uma laran nian,’’ hakotu Marcelo
Estajiada : Francisco F. de Andrade
Asisten editór : Egidio Nono
