Lafaek News—Hafoin selebrasaun misa simu akudesan (Sinzas) Pe. Alberico da Costa husu sarani sira atu hala’o jezun iha tempu quaresma atu nune’e bele hamtein liu fiar ho orasaun hanesan sarani kristaun katólika ne’ebe mai hosi rai- sei fila-fali ba rai.
Iha misa Quarta feira ba sinzas PE hateten katak iha sinal husi Akudesan ka sinzas ne’e sinal konversaun nian no nudar sarani katolika simu Akudesan Hodi hanoin hikas Ita Ema Mai husi Rai sei Fila ba Rai
“Ita la’os foin selebra quaresma iha quarta Sinzas 2025 ida ne’e, maibė sei kiik kedas ita hahú selebra, ohin ita selebra no ita sei nafatin selebra momentu forte ida ne’e ba oin, Sinzas ne’e sinal konversaun nian, nudár sarani fiar nain, ita simu akudesan ka sinzas atu halo ita hanoin katak ita ema mai husi rai no sei fila ba rai,” nune’e sinzas ne’e hanesan apelu ida ka sinal ida atu ita fila hikas ba maromak ne’ebé wainhira nai-lulik sira tau sinaz iha ita ulun temi liafuan hakribi imi sala fiar ba evanjellu “hateten Pe. Alberico da Costa Ba Lafaek News iha Hafoin dirije misa sinzas hotu iha Semináriu Maloa Saun João Maria Vianei Ailok Laran Dili
Ne. Alberico da Costa mos hateten iha tempu quaresma ida ne’e sei refleta tan Ita na’i Jesus Cristo ne’ebé haderan durante loron hat-nulu no kalan hat-nulu.
“Quaresma ne’e hahu iha quarta feira de sinaz tan reflete ba loron haderaan Nai Jesus nían durante loron hatnulu no kalan hatnulu iha rai fuik maran, molok ita celebra Nai Jesus nia mistériu páscoa, na’i Jesus nia terus, mate no moris-hias, loron hat-nulu hatudu ba tempu konversaun molok selebra páscoa. sempre iha nia signifikadu espirituál ho nia sentidu atu ita prepara-an.”Nai-Lulik ne’e esplika.
Molok preside misa ne’e too nia rohan, Pe. Alberico husik hela mensajen katak ikus ba sarani sira katak iha tempu Qaresma ne’e Koko atu minimiza ou hamenus desezu sira liliu ai-han sira ita labele han demaziadamente, hodi ita hanoin Ita na’i Jesus ninia sofrimentu ka haderan durante loron hat nulu no kalan hat nulu no Keta haluha mos orasaun, koko atu haklean fiar liu husi orasaun.
Iha observasaun misaun Quaresma ne’e prejide misa husi nain-lulik nain tolu hanesan Pe. Adrianus Ximenes, Pe Pedro Norinha do Nascimento no Pe. Alberico da Costa, no hetan partisipasaun másimu husi sarani adeia Lemorana, aldeia Terus-Nain, Buka Fini no Timor-Kmanek.
Jornalista : Maria Jose
Editor : AGapito de Deus
