Lafaek News–Mission Aviation Fellowship (MAF) orgullu servisu hamutuk ho Asosiasaun Turizmu Ataúro, Governu Timor-Leste no USAID nia Projetu Turizmu Ba Ema Hotu ohin lansa voo doméstiku regulár MAF atu halo operasaun ba iha rute Dili-Ataúro ho kustu ema ida kada viajen dolar 30-70.
MAF nu’udar organizasaun global karidade Cristaun nia ne’ebé halo operasun kuaze nasaun tolu nolu. Nia misaun prinsipál mak fó ajuda hodi kura ema sira ne’ebé izoladu liu iham mundu. Servisu foun MAF nian mak atu kobre Illa Ataúro li-liu ba area Turismu tanba Ataúro mak sai esperansa turismi ne’ebé di’ak hodi meillora kresiemtu ekonomiku nian.
Nick Hitchins nu’udar Country Director MAF dehan, servisu voo ne’e sei fornese viajen ne’ebé lalais, konfiável ba turista sira atu ba iha illaAtaúro, fasilita turista sira ba iha illa refere sei ajuda hamoris ekonomia lokál durante pandemia COVID-19 globál, no sei lori esperansa ba indústria turizmu lokál foun.
“Ne’e hanesan parte husi ami-nia komitmentu ba dezenvolvimentu kapasitasaun nasionál, no mós ami-nia komitmentu atu ajuda, lori esperansa no rekuperasaun ba povu Timor-Leste ne’ebé izoladu,” dehan Country Director Nick Hitchins, hato’o asuntu ne’e iha serimonia lansamentu Voo Doméstiku Regular MAF rute Dili-Ataúro iha Areportu Hanger MAF nian, Sesta, (01/04/2022).
hodi dehan, servisu Aero ida ne’e sei halo operasaun iha loron Sesta no Segunda. Ida ne’e sei konfiavél no lukrutivu no fó apoiu fila fali ba maluk sira ne’ebé presija liu, MAF kompromete ona hodi hala’o servisu operasaun maske iha ema ida de’it mak aviaun laran, tanba ida ne’e sei fasilita turista sira hodi serteza halo sira nia planu.
Iha solin seluk, Ministru Transporte komunikasoens José Agustinho da Silva hatete, Ohin halo lansamentu Voo Doméstiku Regular MAF rute Dili-Ataúro ho ojetivu atu fasilita populasaun ne’ebé mak halo viajen uza meus trasporte Aero. Atu promove setor turismu. Durante ne’e ita iha de’it ligasaun roo ahi maibé ho oportunidade ida ne’e bele fasilita di’ak liu tan.
“ohin Ha’u ho membru governu nain rua akompaña ho embaxadór Estadus Unidus Amerika no Embxadór Nova Zelandia, ami nain hira halo viajen ba Ataúro hodi haree paisazen furak tebes, ami semo dulas Ataúro ho durasaun 15 i tal menutus no agora ami too fali ona Dili,” dehan MTK José Agustinho da Silva iha serimonia lansamentu Voo Doméstiku Regular MAF rute Dili-Ataúro iha Aeroportu internasionál Nicolau Lobato.
Espera katak ba futuru, ba populasaun ne’ebé karik iha moras ruma presija tratamentu urjente bele uza meus ida ne’e tanba ne’e agradeze ba parseiru sira, liu-liu, USAID, AASATL, Ajensia sira, MAF ne’ebé mak kopera no ohin bele realiza eventu lansamentu boot ida ne’e.
Ministeriu Transporte komunikasoes no Autoridade Aviasaun Sivíl no Autoridade Aeroportu oinsa mak bele servisu hamutuk iha futuru hodi loke kanal aero ba munisipiu sira hotu.
Nune’e Prezidente Autoridade Nacional de Aviação Civil de Timor-Leste (AACTL), Eusébio Freitas dehan aviaun MAF hala’o ona servisu maka’as durante tinan 15 iha autorizasaun AACTL nian atu kontribui ba iha dezenvolvimentu rai doben Timor-Leste, no ami apresia liután ba MAF nia kontribuisaun ne’ebé daudaun halo ba turizmu iha rai laran, liu-liu atu liga Dili-Ataúro hodi nune’e bele fasilita turista barak vizita illa Atauro.
Alende ida ne’e, Enkaregadu Negósiu Embaixada EUA, Tom Daley hateten “Voo foun ne ‘e hanesan pasu importante ida husi Estadus Unidus nia apoia ba Timor-Leste nia dezenvolvimentu indústria turizmu. Liuhusi USAID nia projetu Turizmu Ba Ema Hotu, ami servisu hamutuk ona ho Asosiasaun Turizmu Koleku Mahanak Ataúro (ATKOMA) hodi prepara lori hikas turista internasionál sira fila mai Timor-Leste. Servisu ida ne ‘e selu ona dividendu importante sira ne’ebé mai husi COVID-19, inklui liuhusi inagurasaun Sentru Informasaun Turístika ida no progresu sira seluk,.
USAID nia projetu Turizmu Ba Ema Hotu (TBEH) mak ajuda povu Ataúro harii ATKOMA atu jere destinasaun no enkoraja MAF no ATKOMA atu servisu hamutuk hodi bele hadia ligasaun transporte no hasa’e númeru vizitantes ba iha illa Ataúro.
Haree husi perspetiva turismu, Ataúro nu’udar illa ida ne’ebé riku ho paizajen naturál, kulturál no istória ne’ebé bele atrai ema barak atu ba esplora hodi kontribui ba ekonomia lokál no nasaun, tanba ne’e importante tebes atu iha meius transporte tantu marítima no aero atu hasa’e númeru turista ba iha illa” dehan Sra. Zema Semunegus, Diretora Misaun USAID iha Timor-Leste.
Folin estandar billete aviaun ba kada ema ida ba kada viajen hahú husi $30-75 dolares Amerikanu. Servisu voo Dili-Ataúro ne’e sei komesa iha loron 1 fulan-Abril 2022 depoisde lansamentu iha Aeroportu Internasionál Prezidente Nicolao Lobato. Servisu voo ne’e la’os atu fasilita turista sira de’it, maibé ninia viajen ba-mai mós bele aproveita husi estaf ONG no ema lokál sira, aleinde oráriu kona-ba voo rute Dili-Ataúro monu iha kada loron Segunda Dadeer no Sesta Lokraik kada semana. Segunda Dadeer Aranka husi DILI 0730 – To’o iha ATAURO 0750 & Aranka husi ATAURO 0810 – To’o iha Dili DILI 0830. Sesta Lokraik Aranka husi DILI 1630 – To’o iha ATAURO 1650 & Aranka husi ATAURO 1710 – To’o iha DILI 1720.
Servisu voo ne’e mós fó atendimentu eventuál ne’ebé bele rezerva liuhusi númeru WhatsApp MAF +670 7732 7771.
Rekerimentu viajen eventuál sei ho grupu no voo adisionál bele arranja kada semana. Ba sira ne’ebé hakarak halo viajen ba illa Ataúro tenke rejistu iha MAF nia grupu ‘minutu-ikus’ liuhusi númeru WhatsApp (simplesmente haruka de’it ita-bo’ot nia naran no númeru telefone ba iha MAF nia Liña Rezervasaun). Disponibilidade voo semanál sei fó sai iha grupu, hanesan mós voo minutu ikus ba iha destinasaun sira seluk iha rai laran, turista sira ne’ebé hakarak halo viajen ba iha illa Ataúro bele rezerva ‘Voo Semo Bá/Hela’ ho akomodasaun kedas ka liuhusi ATKOMA iha atkoma@ataurotourism.org nu’udar pakote ida.
Illa Ataúro mós iha website https://ataurotourism.org/ ho informasaun kona-ba akomodasaun no atrasaun turístika sira ne’ebé eziste iha illa Atauro.
Voo nia oráriu mós depende ba demanda ne’ebé iha. Pasajeiru sira tenke iha fleksibilidade wainhira halo rezervasaun Atu hetan informasaun liután, favor kontaktu Sr. Nick Hitchins, Country Director, MAF Timor-Leste via númeru telefone: +670 7732 7771 ou Email: MAF.TimorLeste@mafint.org. Bele mos asesu informasaun iha Website: www.maf-timorleste.org.
Jornalista : Felisberto Fernandes
Editor : Agapito de Deus
