Lafaek News–Sekretáriu Jerál Partidu Demokrátiku (PD), António da Conceição, ‘Kalohan, hateten, bazeia ba preferénsia polítikas husi kuadrus partido Kresarius nian iha 31 Marsu 2022 husi nivel superior too munisipíu 13 ho RAEOA deside ona apoiu kandidatu José Ramos Horta, iha eleisaun segunda volta.
Nune’e, iha konferénsia imprensa ne’e, Kalohan hatutan, karik la’os Maromak nia planu Assanami ba tur hanesan Prezidente Repúblika, maibé konta nafatin katak Timor-oan hotu nia esforsu tomak atu ba oin.
Presidente Partidu Democratico Assanami ho sekretáriu jerál PD foti desisaun katak iha segunda ronde sei fo apoiu ba kandidatura José Ramos Horta iha eleisaun Segundu ronde,”dehan sekretáriu jerál PD António da Conceição ‘Kalohan’ liu husi konferénsia imprensa, iha sede nasionál PD, Kolmera Dili (01/04/2022).
Kalohan hatutan, Prezidente Partidu Demokrátiku, Mariano Assanami Sabino Lopes, hato’o nia agradesimentu ba povu doben Timor-leste tomak ne’ebé durante hala’o kampaña to’o partisipa festa demokrásia la’o ho di’ak, presidente partidu apresia nafatin ba povu doben Timor-Leste husi joven milenial no movimentu sira tomak ne’ebé fo apoiu ba Partidu Demokrátiku maske la avansa ba oin.
Ha’u apresia tebes ba povu doben Timor-leste ne’ebe fo konfiansa ba ha’u liu-liu ba ha’u nia kandidatura durante prosesu kampaña to’o eleisaun remata ho rezultadu ne’ebé mak di’ak maske la avansa ba oin maibé hakarak apresia no agradese ba militantes kuadros povu doben Timor-leste ninia esforsu tomak hahu deklarasaun husi Aileu ba joven milenial sira tomak ba estrutura sira tomak nia esforsu ba hau nia kandidatura agradese no apresia, esplika Kalohan.
ikus liu Kalohan afirma, ohin PD halo etapa foun ba kandidatura nain rua, parabens ba kandidatu prezidente repúblika nain rua ne’ebé sei hakat ba ronde daruak hodi halo kompetisaun ko’alia sobre konstrusaun estadu atu ba oin hatur povu mak hun no povu mak abut.
‘Ohin ami halo etapa foun ba kandidatura na’in rua, parabens ba kandidatura na’in rua atu avansa ba segunda volta esperansa boot kandidatura rua sei kompete ko’alia kona-ba konstrusaun estadu ne’e ba oin hatuur iha nia fatin no povu mak hun povu mak abut ba rai ida ne’e konfiansa husi povu no povu mak bele transfere ba sai prezidente Repúblika.
Entretantu, tuir ajenda, Prezidente Partidu Demokrátiku Mariano Assanami Sabino Lopes ho Serkretariu Jerál PD, Antonio da Conceição Kalohab sei akompania kandidatu prezidente repúblika José Ramos Horta ba RAEOA hodi hala’o komisiu polítiku hamutuk iha ronde daruak iha RAEOA loron 02/04/2022.
Estajiadu : Arnaldo Nunes
Editór : Agapito de Deus
