Lafaek News-Ministriu Administrasaun Estatal (MAE), Miguel Pereira, informa MAE simu ona dadus provizóriu hosi ekipa Program Nasionál Dezenvolve Suku (PNDS) 35% atu harii uma kbi’it laek ne’ebéidentifika ona.
Iha uma kbi’it la’ek nia progressu la’o di’ak teb-tebes agora sekretariadu tekniku PNDS la’o hela sosializasaun ba munisípiu sira, no ba to’o iha Suku, ohin sira identifika sé mak elejivel atu sai hanesan benefisiáriu ba uma kbi’it la’ek.
“Ha’u simu ona dadus katak por volta de 35% Benefisiárius uma kbi’it laek ne’ebé ekipa PNDS sira identifika ona iha terenu,” Informa Miguel Pereira Ba Jornalsita sira iha Palasiu Governu, Kuarta (10/02/2021) hafoin remata reuniaun Konsellu Ministru.
Nia hatutan, iha fim de fulan fevereiru nia laran, total Benefisiarus rihun ida, atus rua, hitu-nulu resin rua ne’e (1272), bele fò sai ona identifikasaun iha fatin hotu-hotu.
“Fulan Marsu nia laran hanesan ha’u hatete ona bele inisial prosesu tomak Konstrusaun nian, hahù ho tranferénsia osan ba konta Bankaria PNDS iha Suku nian, Karik Konstrusaun bele hahù iha Abril nia laran,” Nia Salienta.
Nune’e, Orsamentu ne’e atu aloka ba harii de’it uma kbi’it laek hamutuk Rihun Rua Nulu Resin ida.
Jornalista : João da Costa Soares
Editòr : Floriano Soares
`
