Lafaek News–Kandidatu Prezidente Repúblika períodu 2022-2027 número Sorteiu 6,.Francisco Guterres Lú Olo deklara, tempu uluk la hanesan agora, tempu ne’e lori uluk osan mean entrega mai kabas leten, lori ba tur iha Aitarak-laran la fasil, ema ne’ebé mai husi povu,hakarak defende ema ki’ik.
Kandidatu Prezidente Repúblika Francisco Guterres Lú Olo deklara asuntu ne’e iha kampañia ba daruak iha kampu demorkasia Glenu munisípiu, kinta (03/03/33).
Tempu uluk la hanesan agora, tempu ne’ebé imi lori uluk osan mean intrega mai hau nia kabas leten ,lori ba tur iha Aitarak-laran laran la fasil,tanba hau ema ne’ebé mai husi povu, hakarak defende ema kiik ne’ebé interese nia hakarak”, dehan kandidatu sorteiu númeru 6 Francisco Guterres Lú Olo, iha kampu demokrasia Munispiu Ermera.
Lú Olo dehan, interese la hanesan bele soke malu hodi hetan dezafius boot iha ukun, maibé dezafiu hirak ne’e hotu la husik povu ni aukun sira ne’e latan ba rai, kaer metin nafarin, tula metin iha kbaas.
Bele anin boot, udan boot, bele lori fatuk, ai iha ha’u nia ulun hakarak proteze nafatin ha’u nia povu ida ne’e, tanba sira intrega ona rota lulik nia, ulun osan mean mai ha’u,hakarak respeita nafatin, biar ha’u mak terus, ha’u lakoi hau nia povu atu terus,’’ Lú Olo dehan.
Iha fatin hanesan Sekretáriu Jéral partidu FRETILIN Marí Alkatiri haktuir, uluk husi FRETILIN ba povu, agora kandidatu ida ne’e husi povo tomak ba povu tomak, nunka lori krize hadia krize.
Uluk husi FRETILIN ba povu, agora Presidente kandidatu ida ne’e hudi povu tomak, ba povu tomak, nunka lori krize hadia krize”, dehan sekretáriu jeral partidu FRETILIN Marí Alkatir.
Entretantu komunidade Iha suku Railako kraik, postu Railako, Munispiu Ermera Domingos Soares hatete, vota ba Lú Olo bele hadi’a dezenvolvimentu no rai Timor-Leste ba oin, no komunidade husu prioridade hadia estrada,bee mos, no husu kafe folin aumenta ba 0.50 sen.
Kandidatu ne’e maka manan iha eleisaun prezidensiál períodu 2022-2027 ami komunidade husu prioridade liu ba estrada Munispiu Ermera nian, bee mos, no Ermera maioria moris ho kafe, agora dadaun CCT sira sosa ho folin 0.25 sen, liu husu atu hasae folin kafe ba 0.50 sen.
Iha serimónia kampaña ba kandidatu sorteiu numero 6 Francisco Guterres Lú Olo ba loron daruak nian, Primeiru abertura ona iha Oe-cusse,iha loron( 02/03/2022) sei kontinua iha Munispiu sira seluk tuir orariu ne’ebé maka fo sai ona iha Komisaun Nasionál Eleisoens (CNE) aprova ona.
Jornalista : Rita Moniz
Editor : Agapito de Deus
