Lafaek news–Implementasaun konfinamentu obrigatoriu iha munisipiu Dili obriga Celeste de Jesus ho tinan( 54) tenke deside tuku fatuk iha mota Manleuana hodi sustenta nia moris loro-loron.
Tuir Celeste de Jesus espresa ho sentimentu triste iha loron manas-laran tuur iha mota laran tuku fatuk tau hamutuk iha saka, maibe ema la sosa tanba laiha ema ruma presiza, tanba Dili iha hela situasaun konfinamentu obrigatoriu.
“Ha’u triste liu tamba osan laiha loron manas mai tu’ur iha mota laran tuku fatuk ema la sosa,fatuk sira tuku hotu tau hamutuk iha saku mos ema la sosa ne’e agora konfinamentu obrigatoriu ita sai ba liur mos la diak hotu semak atu mai sosa ,” afirma Celeste ba jornalista lafaek news iha mota Manleuana sexta foin lalais nee
Nia hatutan tan fatuk ne’ebe nia tuku saku ida nia folin dolar 2, mas ema la mai sosa hanesan uluk seidauk tama ba konfinamentu obrigatoriu, dala ruma hetan netik dolar 1 ka 2 husi fatuk ne’e tau hamutuk hodi responde ba nia nesesidade lor-loron iha komfinamentu obrigatoriu nia laran.
” Fatuk ha’u tuku tau ona iha saku laran ne’e , saku ida ha’ u Fa’an ba 2.00 dolar maibe agora ne’e ema la mai sosa hanesan uluk,seidauk tama ba KO ne’e ema sosa to’o$ 20.00 dolar mais agora ne’e laiha dalaruma semana ida mak ema sosa 5.00 dolar deit la augenta ba ha’u nia nrcesidade lorloron nian ,” dehan nia
Tuir observasaun jornalista lafaek news nota iha terenu katak Celeste de jesus tu’ur iha redi okos hodi tahan loron manas no telefone ki’ik ida rona musika hodi hamaluk nia wainhira tuku fatuk.
Jornalista : Domingas Viana
Editor : Agapito de Deus
