Lafaek News—Lixu orgániku hahú hafutar tasi ibun sidade Dili nian tanba konsiénsia komunidade rasik seidauk másimu koloka lizu sira iha fatin ne’ebé adekuadu.
“Ita nia komunidade ne’e barak seidauk iha konsiénsia moral tanba ita hare’e lixu sira ne’e barak mak naklekar iha tasi ibun ne’e bele afeta ba rikusoin tasi ninian ika sira iha tasi lara bele mate tanba ho hahalok ema nian ne’ebe soe fo’er arbiru” dehan Rach Nunes, ba lafaek News, iha Metiaut, (10/02/2021).
Nia haktuir, komunidade tenke hatene konsiderasaun no tau lixu sira ne’e iha fatin atu tempu udan mota labele lori foer plástiku sira mai tasi.
“Ita mak tenke kombate no hatene tau konsiderasaun katak biodiversidade ne’e mos parte ida ba ita nia riku, tan ne’e ita tenke kuidadu no labele soe fo’er arbiru, realidade ita haree dadaun lixu hirak ne’e sai barak liután iha tasi ibun,” dehan, Rach.
Jornalista : Anselmo Monteiro
Editora : Nelya Barros
