SOSIÁL · 5 Apr 2021 10:16 ·

Lemorana : Mota Lori Ema Ida ho Uma 10 Lakon


Lemorana : Mota Lori Ema Ida ho Uma 10 Lakon Perbesar

Lafaeknews- Relasiona ho udan iha loron sábadu  tuku 1:23 madrugada, rezulta ema ida mate inklui uma kain 10 bee sobu lakon  iha aldeia Lemorana  suku Dare postu administravu Vera-Kruz, munisípiu Dili.

Mota sobu kanu no uma komunidade iha Aldea Lemorana ,Foto Lafaek News João da Costa Soares

komunidade uma kain 10 lakon sasan uma laran kompostu husi hahan, ropa, osan, armáriu no bikan, kanuru ho Sasan bee lori hotu ba mota laran hela de’it ropa iha isin lolon.

“Situasaun ida ne’e ita  la espera no lori konsekuènsia, dadus ne’ebè mak iha, uma kain sanulu mak la aproveita sai ho isin lolon de’it, entaun  estadu tenki ajuda emediatu no emerjensia tanbà kuase sasan barak lahasai,  entaun agora dadaun hela iha sede Lemorana ne’e konsekuènsia husi mota” Informa vítima Carlito da Costa  ba Lafaek News iha Xefe aldeia Lemorana Segunda, (05/04/2021).

Nia hatutan hanesan ema Umanu senti triste  tanba kondisaun ida ne’e, la’os de’it triste, maibè sei iha kondisaun tauk ka trauma nia laran, tanba ne’e mak presiza ajuda husi parte kompetente. ” Hanesan Ami afeitadu rekomendasaun mak presiza ajuda urjente husi parte Sosial, protesaun sivil, inklui mòs Obras Publiku ,” Vítima husi Mota Maloa ne’e rekomenda.

iha fatin hanesan Vítima Lusiana de Fátima Soares nia uma mota lori tomak ho nesesidade uma laran inklui ho osan $.300. no hela de’it ropa isin lolon. komunidade afetadu kompostu husi uma kain 10 ne’e ba da-daun evakua ona husi fatin akontesimentu hodi hela provizóriu ho viziñu sira.

“Ha’u nia uma no sasan uma laran  bee lori hotu, no Ha’u nia osan dolar atus tolu ($300), ne’ebè mak Ha’u subar hela bee lori ba hotu, Ha’u nia isin loron de’it mak sai,” Konta  Lusiana.

Xefe Aldeia Lemorana Alice da Costa hatete, udan iha sábadu kalan ne’e rezulta ema ida (polisia BOP) mate tanba korente  forsa liu konsege sobu uma 10 lakon no uma besik 20 resin ameasadu.

“Husu liu-liu Ministeriu Sosial, apoiu Emerjénsia tenki lalais mai, tanbà iha ne’e povu sira ho matan ben triste tanba uma laiha, agora dadaun fasilita hela sede aldeia ba sira uza Sementara hodi hein ita nia nai ulun sira hodi tun mai,” Salienta.

Entretantu Komunidade ne’ebè uma ameasdu hela hamutuk rua nulu (20), resin  Inkui Komunidade uma besik tolu nulu  (30), husi Aldeia Terus Nain Suku Vila-verde hetan mòs amesadu.

Observasaun lafaek news iha fatin akontesimentu vitima nain 10 ne’ebè lakon sasan ho uma tanis tutur liman ba ulun hanoin barak tanba hela de’it ropa isin lolon, maibè too oras ne’e parte kompetente liu-liu Ministériu Obras Pùblika (MOP), ho Ministériu Solidariedade Sosial no Inkluzaun (MSSI) inklui reprezentante povu iha uma fukun Parlamentu Nasional seidauk tuun iha fatin akontesimentu hodi haree situasaun ne’ebè komunidade aldeia Lemorana hasoru atu bele buka solusaun emerjénsia.

Jornalista : João da Costa Soares

Editora     : Nelya Barros

 

 

 

1,259 Views
Artikel ini telah dibaca 65 kali

badge-check

Editor

Baca Lainnya

Uma Lahuk Hatauk Faluk ho Oan Kiak Tinan 10 Moris Ho Mata-wen

6 June 2024 - 14:00

Funu 99 Hatauk Marciana Sai Defisiénsia too Ohin Loron  

4 June 2024 - 12:13

Kbiit Laek Maria Empresta Foos Husi Viziñu hodi Sustenta Oan Sira Ninia Moris

28 May 2024 - 11:57

Prezidente Repúblika Apoiu Ona Aihan Natoon Ba Inan Feton Leonarda Ximenes Iha Beduku

1 May 2024 - 15:04

Nilva Ho Nia Kolega Nain-Hitu Oferese Nesesidade Bázika Ba Inan Feton Leonarda 

1 May 2024 - 14:07

Leonarda Moris Padese Ho Isin Rua Todan Aihan Uma Laran mamuk Tanis Ho Orasaun

27 April 2024 - 09:57

Trending di SOSIÁL