Lafaek News–Joe Pires Galucho ho tinan 47, husi aldeia Lemkari suku Manleuana, moris depende rai-henek mota Komoro, loro-loron servisu iha loron manas nia laran pinheira rai-henek hodi sustenta nesesidade lor-loron inklui prepara mos ba oan sira nia eskola.
“Ha’u iha ne’e kleur ona ha’u nia moris lor-loron mak pinheira de’it rai-henek iha mota laran iha nee laos hau mesak maibe barak mak moris iha mota laran deit pinheira rai henek hodi sustenta ami nia moris lorloron no oan sira nia eskola ,”dehan Joe ba lafaek news iha nia rezidensia Manleuana, tersa semana ne’e
Nia hatutan tan moris iha mota laran la fasil, maske ho rendimentu kada semana nia laran hetan hetan dolar 15, maske kiik maibe bele kompleta moris lor-loron nian hodi suporta oan nain neen kompostu husi feto haat no mane rua nia eskola.
“Moris iha mota laran nee la la’os di’ak liu, maibe natoon de’it no rendimentu ne’ebe mak tun liu semana ida mak foin hetan $ 15.000, tanba agora Covid ema hotu iha de’it uma dalan taka se mak atu mai sosa dalaruma semana ida mak ema mai tula dala ida entaun osan nee hira ita atu sosa hahan no hira mak ita atu suporta oan sira nia eskola”, nia hatutan
Joe afirma nia iha interese hakarak atu halo negosiu ba munisipiu, maibe agora governu taka dalan entaun lor-loron iha de’it mota laran hodi pinheira rai henek.
“Ha’u hakarak atu halo bisnis ba municipiu maibe agora dalan taka sulan deit iha uma entaun osan nee foti husi neebe governu sulan ema nee tenke fo han ema laos sulan deit ema ,ema barak mak halerik ba hahan”,nia hakotu
Jornalista :Domingas Viana
Editor : Agapito de Deus
