Lafaek News–Reprezentante governu lokal iha postu administrativu Lospalos, Dinis dos Santos, informa estrada Lospalos villa to’o agora governu sentral seidauk fo sinal atu hala’o reabilitasaun too hakiak debu kiik iha estrada laran, difikulta ema la’o ain ho transportes públiku sira .
Dinis haktuir, estrada Lospalos villa husik hela husi governu invazaun indonesia,.To’o iha tinan 2016 mak kompania balun hanoin koko atu hadia estrada hodi bele hetan lukru husi projetu, maibé obra ne’e laiha kontinuasaun to’o ona governu da-ualu, no estrada kontinua sai problema boot ba municipiu Lautém postu Lospalos.
Ha’u nia planu mak hakarak halo estrada sira iha vila Lospalos ne’e di’ak atu fasilita komunidade sira iha vila Lospalos, maske la taka alkatraun ida, di’ak liu Dili nian mais taka netik kuak sira ne’e maibé planu sira ne’e ami deskute iha konsellu konsultivu kordenasaun maibé planu ne’e la pasa tanba estrada sira ne’e tama iha programa nasionál nian. Maibé iha sinal ida mak estrada husi Lautém ba to Iliomar atu hadia iha tinan ne’e maibé iha Lospalos vila laiha sinal ruma atu hadia tanba rajaun programa nasionál nian,’’katak Dinis.
Governu lokál ne’e hatutan hanesan líder lokál iha orsamentu ida governu aloka ona mai iha postu administrativu Lospalos hamutuk rihun $. 14 koko aloka hodi taka estrada kuak ho rai mutin.
Ami governu lokál ne’e, uja de’it osan oan ida naran maun de obra ne’e, tanba ne’e ha’u buka planu atu taka estrada kuak sira no koko atu maneja oinsá atu taka kuak sira ne’e, hodi fasilita komunidade liu, no liu-liu komunidade iha Lospalos vila.
Jornalista : CE. Lautem
Editor : Agapito de Deus
