Lafaek News–Komisáriu Komisaun Nasional Eleisaun (CNE), Olavio informa, CNE laiha direitu atu fo sansaun ba labarik sira ne’ebé partisipa iha kampañia eleitoral, maibé CNE apela no fahe de’it informasaun ba inan-aman más laiha poder fo sansaun.
CNE koalia nee hanesan apela ka fo informasaun ba inan aman katak labele lori oan sira mai tuir kampaña maibe inan aman lori oan sira mai iha kampaña CNE labele kaer sira hodi fo sansaun direitamente ka indireitamente,” dehan Olavio ba Lafaek News Iha Kampu Futebol Vikeke Vila, kinta (03/03/2022).
Olivio esplika, kona-ba partisipasaun labarik iha kampañia eleitoral haree husi parte rua partisipasaun ativa no ida seluk mak partisipasaun pasiva.
Partisipasaun ativa signifika ema sira minoridade tun dibawa 16 bele tuir ona, agora ita nia situasaun rai laran ho ita nia labarik sira ita la distigue ema sira neebe tinan 15 mai kraik to tinan 10 nee boot ona, entaun ita la bele distingue katak sira mai partisipa ka la partisipa, idade nee ema halo boot ona ita haree katak nia iha ona konsiensia katak, buat neebe hanesan nee bele tuir agora,,” nia esplika.
Olivio afirma, Iha situasaun kampaña hanesan provoka labarik sira neebe hela besik mak rona muzika entaun sira komesa hakbesik aan ba fatin kampaña maske nia la iha direitu ba votu maibe nia la hatene kandidatu sira koalia saida.
Ida seluk partisipa pasiva ita bele dehan labarik sira mai partisipa nee tanba inan aman mak lori depois labarik kiik oan enjeral iha fatin neebe deit kuandu iha muzika ruma neebe kanta husi ita nia artista sira entaun labarik sira sempre iha kuriosidade sempre haree no rona tanba artista sira la dun anima ema sira iha munisipiu,” nia afirma.
Iha sorin seluk, Ofisial Monitorizasaun PDHJ delegasaun teritorial Baukau, Elisabeth Soares da Silva, esplika antes ne’e fo informasaun ba inan-aman atu prevene labarik sira atu partisipa iha atividade kampañia, maibé sansaun seluk atu fo ba labarik sira ida ne’e nia hanoin fila-fali ba CNE no komisaun direitu labarik.
Liga ba iha sansaun hau hanoin PDHJ la hanesan instituisaun indenlendete neebe mak too ninia kbiit rekomendasaun konaba sansaun nee fila-fali ba CNE nasional, tanba ida ne’e parte CNE maka haree kriteria ba polítika tomak,” nia afirma.
Nia relata, PDHJ nia haree karik relatoriu ikus halo observasaun ne’ebé liga ho atividade kampañia nian hatoo rekomendasaun ba parte kompetente atu tau atensaun ba asuntu ne’e.
Jornalista :Orlando Magno
Editor : Agapito de Deus
