Lafaek News—Konsultora Nutrisaun no diretora ezekutiva kompania Varaidame, Leonia Lemos, afirma, iha sistuasaun ida ne’e maioria kumpre medidas prevensaun no tuir mós protokolu, maibé haluah nutrisaun ne’ebé ajuda tebes ema nia imunidade hodi hasoru pandemia covid-19 no moras seluk, husu maneja no konsumu ai-han ne’ebé nutritivu.
“Ita prepara an hodi kumri protokolu maibé ita haluah katak ita nia estilu moris ne’e ajuda tebes ita ba hahan ne’ebé ita prepara ba ita nia an, maibé ita lahatene katak hahan saida maka di’ak ba ita nia imunidade, tanba imunidade ne’e atu prevene moras ne’ebé atu kona ita,” dehan Konsultora Nutrisaun Leonia Lemos, iha studio lafaek news Balide Dili, tersa, (18/05/2021).
Konsultora nutrisaun iha Timor Leste ne’e esplika, nutrisaun importante tebes ba ema nia saúde atu ajuda hasa’e imunidade hodi hasoru moras sira hanesan pandemia Covid-19, entaun atu prevene an konsumu hahan ne’ebé fo vantajen ba imunidade.
“Maneja ita nia hahan ne’ebé fo vantajen di’ak, tanba hahan sai hanesan ai-moruk di’ak ida hodi fo vantajen di’ak ba ita nia isin, no ba ita nia imunidade maka ai-fuan, modo tahan, entaun, iha dadeer, meudia no kalan han hahan ne’ebé nutritivu,” nia Informa.
Nune’e mos nia relata, dadus husi Ospitál Nasionál Guido Valadares (HNGV) hatudu iha tinan 2017 ho 2018 fo sai moras ne’ebé la hada’et iha porsentu 22 no moras ne’ebé hada’et porsentu 19.
“Dadus ne’e rasik ita hatene katak estilu moris ne’e maka halo ita hodi hetan moras sira ne’e la’os ita prepara tiha hahan para han de’it, ita hatene katak hahan ne’ebé mak di’ak ba ita nia saúde ne’e ita hatene, atu nune’e isin bele forsa hodi hasoru risku, entaun forsa tenke husi laran la’os husi liur,” nia hakotu.
Jornalista : Pedro de Almeida
Editór : Agapito de Deus
