Lafaek News—Atividade fan bandeira nasionál sempre mosu iha adventual fulan Maiu iha kada tinan, komunidade ne’ebé fan bandeira kiik ne’e kompostu husi labarik kiik inklui ema boot sira hamrik dalan protokolu hanesan Kolmera, palasiu governu oin too Largo Lesidere hodi buka osan.
Joven ida ho idadde 22, husi munisípiu Ermera, aproveita oportunidade adventual 20 de Maiu nian hodi buka osan liu husi fan bandeira nasionál ho presu sentavus 50, maibé hamrik iha dadeer too kalan kompradores sira la liga rai no la fihir atu atria sira hakara hodi sosa bandeira ne’ebé joven ne’e kaer iha liman, maski bolu tui-tuir, maibé lakohi sosa tanba osan laiha.
“Ha’u senti triste tebes fa’an sasan iha estadu emergensia nia laran ida ne’e sai impaktu bo’ot mai ha’u, tanba difikulta tebes ema atu halo movimentu ba mai no difisil tebes ema atu sosa,” dehan Estanislau Menezes ba jornalista lafaek news iha palasiu governu nia oin foin lalais ne’e.
Nia dehan, sasan ne’ebé nia faan maka hanesan sigaru ho bandeira, maibé kada loron ida hetan de’it uituan susar atu hola hahan no selu kost.
“Lor-loron ha’u fa’an ha’u susar atu hetan fali lukru husi pulsa no bandeira ne’e, dalaruma loron ida tomak ha’u mai fa’an ema sosa la, to’o dolar $ 6.00 ha’u fila fali ba uma,” nia afirma.
Osan ne’ebé nia hetan husi faan sigaru ho bandeira tau hamutuk hodi sosa hahan ba loron-loron nian no balun selu fali ema nia kost kada fulan ida dollar $ 25, nune’e hela ho hakmatek hodi kontinua halo atividade negósiu iha Dili laran, maibé antes ne’e sedauk impplementa EE-SS nia faan de’it iha Largo, jardin 5 maio no mos fatin seluk.
Estanislau Menezes, idade (22) husi suku Manusae, Postu-administrativu Hatulia A, munisípiu Ermera, rezidensia atual Kuluhun, iha ne’ebé hela iha kost, entaun nesesidade obriga, inklui kost nain, nune’e nia deside kontinua atividade negósiu iha ámbitu EE-SS.
Jornalista : Domingas Viana
Asisten Editór : Pedro de Almeida
