RAEOA –(Lafaek News)—Akontese dezintendementu iha Aeroportu Internasionál Rota do Sándalo RAEOA/ZEEMS, ne’ebé jornalista sira husu perguntas adisionál ba Prezidente RAEOA, kona-ba kazu polémika RÓ Haksolok nian, derrepente protokolu Prezidente Autoridade RAEOAn nian, halo intervensaun no hirus Jornalista sira.
Dezintendimentu ne’e mosu tanba parte protokolu RAEOA la satisfas ho pergunta ne’ebé jornalista sira husu sees husi abertura formasaun kona-ba free balance nian iha loron tersa (17/11/2020), iha aeroportu Internasionál Rota Sándalo RAEOA.
Iha dezintendementu ne’e adjuntu Prezidente RAEOA/ZEEMS, Leonia, Monteiro, hatete, nia parte reprezenta ekipa tomak husu diskulpa ba jornalista sira kona-ba dezintendimentu entre jornalista sira ho pesoal protokolu RAEOA nian iha ámbitu abertura formasaun free balance iha RAEOA
“Ha’u em nome autoriedade tomak ho hkraik an husu deskulpa media tomak tanba dezintendementu ohin ne’e la’ós atu halo la aseita ita boot sira maibé ami sente kolabora di’ak ho ita boot sira atu nune’e ita boot sira bele públika informasaun ho di’ak,”dehan Adjuntu PA, Leonia Monteiro
Nia reforsa, husi parte autoridade sei fó medida adeukuadu ba pesoal protokolu refere hodi labele hamosu tan dezintendementu ho jornalista nasionál sira iha future.
jornalista : Egidio Nono
Editora : Nelya Barros
