RAEOA-(Lafaek News)—Ministériu Finansas (MF) hamutuk Autoriedade Rejiaun Administrativa Espesial Oe-Kusse Ambeno (RAEOA) realiza formasaun free balance ba funsionáriu tekniku Profesional RAEOA nian hamutuk ema na’in 30 kona-ba free balance.
Prezidente Autoriedade Rejiaun Administrativu Espesial Oe-Kuse Ambeno, Arsenio Paixão Bano, hatete ohin RAEOA hetan tan oportunidade ida di’ak importante tebes tanba ohi ne’e iha Oekuse hahú formasaun ida mai husi ministeriu das finansas formasaun kona-ba Sistema free balance, hodi tulun Sistema ne’e atu halo ezekusaun orsamentu RAEOA ne’e ho di’ak
“Ita hatene kritika barak ko-ba free balance ne’e maib’e ha’u atu dehan de’it katak troka korespondente kartas entre rejiaun ho ministeriu finansas la’o kleur tiha ona iha tempu doutor Marí Alkatiri nian i agora hahú tama ona iha faze implementa hahú formasaun ne’e li-liu ba tékniku sira finansas rejiaun ninian iha ne’e ha’u nia adjunta ba reforsu instituisional, no sekretáriu rejionál ba asuntu finansas, ho nia tim sira sira mak sei aprende barak,”dehan Prezidente autoriedade, RAEOA/ZEEMS, Arsenio Paixão bano, iha ambitu abertura ba formasaun free balance, ne’ebé realiza husi mministeriu finanasa ho RAEOA, 17/11/2020.
Iha okaziaun ne’e Arsénio Bano apela ba funsionáriu sira ne’ebé atu tuir formasaun free balance ne’e aproveita oportunidade hodi aprende di’ak liu tan lahatene husu para komprende di’ak liu kona-ba finansa nian,
Iha fatin hanesan, Diretor jerál Ministeriu Finansa, Joanico Pinto, ,hateten formasaun ohin loron ne’e hanesan kontinuidade ida husi prosesu sira ne’eb’e hahú ona liu ba ho lideransa Mari Alkatiri nia.,
“Pre rekizitu principal ida atu utiliza Sistema mak ita boot sira tenke katak iha anexu 2 do lei orsamentu ne’e orsamentu ba autoriedae RAEOA/ZEEMS ne’e tenke hatur katak despeza hotu tenke klasifika tuir klasifikasaun tuir orsamentu ne’ebé iha kateoria salariu vensimentu, brns servisu, kapital menór, no transferensia publika,”dehan Diretur jerál, Ministeriu Finansa Joanico Pinto
“wainhira ita iha lei orsamentu separa ona no define ona ninia estatutu klaru iha anexu tabela 5 do anexu lei ne’emak ba oin ita sei utiliza waintira orsamentu ne’e aprova, no antes utiliza pre rekizitus ida mak tenke halo formasaun pesoal tekniku sira professional sira ne’ebé mak iha ne’e nune’e formasaun ida-ne’e kabe ba pontu rua ida mak prosesu sira ne’ebé la’o, no ida seluk mak introduz diret ba Sistema ne’e oinsá atu asesu, no kria asesu de aprovizionamentu ne’e karik pasu saida mak halo ne’e iha sistema sira ne’e hotu, ne’e integradu iha formasaun ne’e hotu,”dehan Joanico Pinto.
Enkuantu iha formasaun free balance ba funsionáriu sira, hahú 17 fulan Novembru, 2020 no sei ramata iha 22/11/2020.
Jornalista : Egidio Nono
Editora : Nelya Barros
