RAEOA-Lafaek News—Prezidente Autoriedade Rejiaun administrative espesial Oe-cuse Ambeno no Zona Espesial Ekonomiku Merkadu Sosiál (RAEOA/ZEEMS), Arsenio Paixão Bano, hatete autoridade sei buka estratejia hodi lori Ro fery haksolok mai Timor-Leste
Arsénio dehan Ró Haksolok ne’e autoridade sei esforsu no autoridade simu ona kompeténsia husi governu sentrál iha ona rezolusaun atu transfere mai autoridade atu finaliza problema Ró haksolok ne’e.
“Autoriedade RAEOA iha nia estratejia rasik ha’u fi’ar ho apoiu governu sentral no ami mós husu apoiu doutor Mari Alkatiri Ró haksolok ami bele lori mai TL,”dehan PA, Arsenio Paixão Bano, hafoin abertura ba formasaun ba funsionáriu sira kona-ba free balance iha aeroportu intrnasionál Rota Sándalo, RAEOA/ZEEMS, 17/11/2020.
Nia argumenta, autoriedade AREOA halo ona esforsu tomak hodi lori Ro haksolok mai TL, no iha informasaun balun ne’ebé diskusaun sei la’o hela.
“Maibé labele naran ko’alia sai katak AREOA tau osan ba asegura la’os hanesan balun ko’alia dehan ami atu selu fali kompañia falladu nele la’e,” dehan nia.
Enkuantu nia hatutan, orsamentu $127 milões ba RAEOA ne’e prioridade liu mak adapta governu sentral nian, mak oinsá atu halo RAEOA seguru husi COVID-19 ne’e, no problema bee moos, no mós sistema rekuperasaun ekonómiku sosiál, no seguransa sosiál.
Jornalista : Egidio Nono
Editora : Nelya Barros
