LAUTÉM · 17 Nov 2020 23:56 ·

Lautém Preparadu Komemora 28 Novembru


Lautém Preparadu Komemora 28 Novembru Perbesar

Lautém-(Lafaek News)—Sekretáriu Munisípiu Lautém Oscar Dias Quintas, informa prosesu preparasaun ba selebrasaun loron proklamasaun independénsia 28 de Novembru ba dala 45 iha munisípiu Lautém preparadu.

 “28 Novembru ne’e atividade lubuk ida mak ita atu halo hanesan misa agradesimentu iha iha dia 27 Novembru iha atividade feira hahú dia 20-30 Novembru, iha mós atividade desportu, tebe-tebe kultura no jogu bola guling inklui atividades sira seluk hodi festeza loron proklamasaun independénsia tinan 2020 ne’e, depois hasa’e Bandeira postu administrativu 5 iha Munisípiu ne’e sei mai aprezenta sira nia tebe-tebe kultura ho lian Fataluku siker e baure ne’e, hodi anima komunidade munisípiu ne’e,” dehan Oscar Dias Quintas ba Lafaek News Lautém, tersa semana ne’e.

Tinan ne’e atividade hodi hasa’e no hatun Bandeira iha munisípiu ne’e sei halo iha fatin ida de’it mak iha postu administrativu lima, tanba ne’e komunidade husi postu lima seluk sei mai ho nia reprezentante kada postu ema na’in 50 ho nia dansa no atividade sira seluk.

Oscar salienta, atividade ba tinan ne’e osan ba atividades ne’e rasik sei gasta $7 mill, tanba ne’e nia husu ba komunidade munisípiu Lautém atu partisipa másimu iha loron komemorasaun 28 Novembru tinan ne’e iha postu administrativu Lospalos munisípiu ne’e.

Observasaun hare katak komisaun organizadora kada seksaun sira hahú hatama ona proposta hodi halo atividade preparativu sira ba loron importante ne’e.

Jornalista     : Elidio Castro

Editora         : Nelya Barros

1,305 Views
Artikel ini telah dibaca 5 kali

badge-check

Editor

Baca Lainnya

Grupu Konservasaun Batar Lore 1 Halerik Ho Atake Peste Lakataro  

13 June 2024 - 17:22

Matan Halo Ha’u Lakon Esperansa ba Oan Sira nia Futuru

10 June 2024 - 21:32

Grupu Konservasaun Lenuk Bandu Komunidade Oho Animal Tasi

9 June 2024 - 23:36

Fenómena Udan Monu ho Kór Metan iha Tutuala

9 June 2024 - 16:08

Povu Kiik Iha Postu Lore Halerik Tebes Sira nia Estrada

31 May 2024 - 17:12

Atauro Oan ida Mout Iha Tasi Parte Lautém Deskonfia Lafaek Mak Tata

25 March 2024 - 16:59

Trending di LAUTÉM