Lafaek News–Komunidade aldeia Lemorana, suku Dare postu administrativu Vera-Kruz, munisipiu Dili, husu Ministeriu Obras Publika (MOP) atu normaliza lalais mota Maloa atu bele salva populasaun sira ne’ebe harii uma besik mota ninin.
uma komunidade ne’ebe hetan Ameasadu husi Mota Maloa, Imajen Lafaek News Joao da Costa Soares.
“Iha situasaun ne’e la’os ita triste, maibe sei iha kondisaun truma laran, parte MOP labele dukur, lo-loos ne’e labele akontese, tenke lalais mai normaliza mota atu hadia komunidade sira nia uma ne’ebe mota estraga,” katak komunidade Lemorana, Carlito da Costa, ba lafaek news, segunda (05/04/21).
Vitima dehan, tuir previzaun sei iha kontiuasaun udan, posibilidade bele fo ameasa ba komunidade sira ne’ebe’ uma besik ona ba mota ninin, tanba ne’e presiza intervensaun urjensia husi governu liu Ministeriu Obras Publika (MOP) atu hatun makina atu bele suru sai rai-henek ne’ebe nakonu iha mota laran.
iha fatin hanesan, xefe adeia Lemorana, Alice da Costa, relasiona ho uda iha sabadu kalan tuku 1 madrugada, estraga komunidade nia uma hamutuk 10 mak estragus kuaze uma besik atus 1 resin mak ameasadu mota ba mota refere bainhira udan kontinua tau makas.
“Ha’u husu MOP liu husi Instutu Jestaun Ekipamentu atu prepara lalais makina mai muda lalais fatuk ho rai-henek ba mota ninin hodi tahan uma ne’ebe mota ameasa hela da-daun,” dehan autoridade lokal ne’e iha aldeia Lemorana.
Tanba ne’e, Governu labele dukur demais, tenke halo lalais intervensaun ba iha terreu, nu’udar autoridade lokal sente hanesan todan boot ida, susar atu solusiona.
Jornalista : Joao da Costa Soares
editora : Nelya Barros
