SOSIÁL · 3 Oct 2023 15:30 ·

Komunidade Kamea Sosa Bee Mos Ba Konsumu Loro-Loron


Komunidade Kamea Sosa Bee Mos Ba Konsumu Loro-Loron Perbesar

Lafaek News–Komunidade Aldeia Lenuk Hun, Suku Camea, Postu administrativu Cristo Rei, Munisípiu Díli, Tersa (03/10/2023), Iha ne’ebé populasaun kuaze 200 família obriga tenke sosa bee mos kada loron tanba do’ok husi bee matan no estrada a’at tebes.

Reprezentante komunidade-Lenuk Hun José Soares ba Lafaek News iha Lenuk-Hun Tersa ne’e hatete, Komunidade lubuk ida iha aldeia refere hela do’ok tebes husi bee matan nomós halerik tebes ba estrada, nune’e obrigatóriu tenke sosa bee mos loron-loron hodi bele konsumu.

“Ami tenke hola bee mos iha kada loron ho presu $. 0,25 centavus hetan 5 litru ne’e masa haat lae tolu de’it nune’e bele uza ba konsumu no bele uza ba fo hemu animal, sei ita la hola entaun la’o la’o do’ok para buka bee hodu kuru no leba lori mai uma mak hafoin bele uza ba konsumu,” José dehan.

Nia hatutan, Tinan barak ona komunikadu iha ne’e sempre halerik ba bee mos maibé to’o agora seida’uk iha solusaun ruma husi parte relevante autoridade ruma, tanbá ne’e maka husu ba governu ida agora ne’e tenke tau ba konsiderasaun hodi bele solusiona ka bele hakmaan netik komunidade ida ne’e ninia preokupasaun.

“Iha tinan kotuk ami hato’o ona ami nia preokupasaun ne’e ba VIII governu liuhusi Ministru Administrasaun Estatál Miguel Pereira de Carvalho bainhira hala’o ninia vizita lansamentu fatuk dahuluk Uma Naroman ba Povi iha fatin ida ne’e maibé to’o agora seida’uk iha rezultadu ruma husi parte relevante sira, tanba ne’e maka ami nafatin husu ba IX governu hodi bele hare’e asuntu ne’e,” katak nia.

Nia informa tan, Iha ne’e iha bee matan tolu maibé do’ok husi komunidade kuaze kilometru rua resin no bee matan ida seluk ne’e hetan estragus totál husi inundasaun iha loron 4 fulan Abríl tinan 2021 ne’e kauza husi rai halai no dodok entaun bee ne’e maran totál to’o agora.

Nia haktuir, Populasaun hirak iha ne’e maioria maka moris husi hakiak animal tan ne’e kuandu bee matan ne’e maran entaun animal mos mate, ho ida ne’e maka tenke buka meius seluk hodi sosa bee mos para bele fo hemu animal sira no ema mos bele konsumu.

Entretantu, Relasiona ho preokupasaun komunidade Lenuk-Hun ninian ekipa Lafaek News tenta atu konfirma ho autoridade lokál xefe aldeia Lenuk-Hun maibé la konsege hasoru tanba laiha fatin.

Jornalista : Ekipa Lafaek News

Editor       : Paulo Collo

123 Views
Artikel ini telah dibaca 45 kali

Baca Lainnya

Povu Kbi’it La’ek Presija Asesu ba Finansiamentu

29 November 2023 - 10:15

Toos Nain Triste Lei Iha Timor Afavor Liu Ba Ema Kapital Boot

23 November 2023 - 12:03

PR Husu Governu Tau Orsamentu Ba Labarik Ho Inan Isin-Rua

21 November 2023 - 08:26

Deskonfia Ema Deskoñeisdu Sunu Faluk Palmira Nia Uma

13 November 2023 - 19:37

Halerik Iha Sikun Sidade Iluzaun Lian La Too

11 October 2023 - 17:03

Defisiénsia Nikin Halerik Kadeira Roda 1 Iha Sikun Balun Husi Sidade Iluzaun

15 September 2023 - 09:31

Trending di SOSIÁL