Lafaek News—TIC-Timor, Segunda (02/10/2023), realiza sorumutu entrega servisu husi diretor sesante ba diretor foun hodi kontinua organiza TIK Timor ba mandatu tinan lima ne’e.
Iha sorumutu ne’e, assesor jurídiku Tic Timor, Eusebio Guterres, esplika sorumutu ne’e nia objetivu fundamental mak diretor sesante entrega hikas servisu ba diretor foun hodi kontinua lidera TIC-TIMOR ba tinan lima.
“Sorumutu ohin loron ami halo kordesaun ho Diretór ezecutivu ho nia Diresaun sira hotu kona-ba preparasaun hand Over Diretór sesante ba direitu ezekutivu foun, tanba lolos ne’e Diretór atual halo nia servisu iha loron 1 fulan Outubru ne’e, bazeia ba despaixu husi Ministru Transporte no Komunikasaun nian, maibé tamba loron Domingo entaun muda fali mai ohin loron 2 fulan Outubru, tanba ne’e mak ohin mak foin halo kordena, maibé ohin loron ita halo kordena sei halo aranjo iha Edifisiu ne’e rasik hodi hare ba gestaun i no mós sei intala tan nesesidade balum ne’ebe mak presiza tan,” Eusebio afirma.
Entretantu, Diretór ezecutivu foun ne’e sei halo nia servisu hahú aban hanesan diretór ezekutivu Tic Timor ninian durante períodu tinan lima ninian.
Entretante antes ne’e, Ministeriu Transporte Komunikasaun liu husi Diresaun Nasional Infraestrutura Komunikasaun (DNIC-sigla-Portuges), prontu servisu hamutuk ho TIC Timor tanba iha mahon MTK nian tenke hamutuk servisu ba teknolojia informasaun no komunikasaun iha Timor Leste.
Jornalista : Mateus f.de Deus
Editor. : Paulo Collo
